CHAPTER 94

NALIE ATHALIA...

Kanina pa s'ya pasilip-silip sa siwang ng kanilang dingding. Tinitingnan n'ya kung may nakabantay sa kanila na mga taohan sa labas ng bahay. Pagkatapos n'yang maghalungkat sa kwarto ng ina ay lumabas agad s'ya para magmanman sa sitwasyon sa labas.

At may iilang tao s'yang nakita na may mga bitbit na baril. Bigla s'yang pinanghinaan ng loob ngunit ng maisip ang kan'yang pakay kung bakit sila tatakas ng ina ay agad n'yang iwinaksi sa puso ang takot at pangamba.

Nakahanda na ang kanilang mga gamit na dadalhin. Isang back pack lang naman ang dala n'ya na may kaunting damit nila ng kan'yang nanay at ang pera na nakita n'ya kanina sa aparador ng mga ito.

Kahit anong mangyari ay hindi n'ya iiwan ang pera dahil kailangan nila iyon. Ang nanay n'ya naman ay binihisan n'ya na kanina pa para kapag may pagkakataon ay aalis na agad sila.

Nasa silid lang ito at nilalaro pa rin ang unan na dinamitan nito. Marahas s'yang bumuntong hininga dahil sa awa sa kan'yang mga magulang. Sino ang