CHAPTER 95

NALIE ATHALIA...

Lahat ng kan'yang iniisip ay pilit n'yang iwinaksi sa kan'yang utak. Hindi ito ang tamang oras para magulo ang isip n'ya sa ibang bagay.

May mga mas importanting bagay pa s'yang kailangang unahin kaysa mga gumugulo sa kan'yang isip ngayon.

"Nalie kailan n'yo balak umalis ng nanay mo?" narinig n'yang tanong ni Aling Perlita sa kan'ya.

"Sa mas lalong madaling panahon Aling Perlita. Kapag may pagkakataon ay aalis agad kami ni nanay dito," sagot n'ya sa ginang.

"Sige! Kung iyan ang plano mo ay tutulongan kita. Uuwi muna ako at lalabas ako mamaya at ako ang magbabantay kung saan kayo pwedeng dumaan. Abesohan ko din si Tomas para makatulong sa atin anak," sagot ni Aling Perlita sa kan'ya.

Nagpapasalamat s'ya rito dahil sa buong pusong pagtulong ng mga ito sa kanila. Hanggang nabubuhay s'ya ay tatanawin n'yang utang na loob ang lahat ng tulong ng mga kaibigan ng kan'yang mga magulang sa kanila.

"Maraming salamat sa lahat ng tulong n'yo sa amin ni nanay, Aling Perlita. Ang l