CHAPTER 96

NALIE ATHALIA...

Dumating ang hapon, agad s'yang nag-ayos para kapag bumalik na si mang Tomas ay handa na sila ng kan'yang ina.

"Nay, maghanda ka na, aalis na tayo maya-maya," pagbibigay alam n'ya sa kan'yang nanay. Kahit hindi naman s'ya naintindihan nito ay kailangan n'ya pa rin na ipagbigay alam sa ina ang kailangan nilang gawin.

Wala s'yang sagot na nakuha mula dito at ayos lang sa kan'ya iyon, ang mahalaga ay nasabihan n'ya ito.

Inayos n'ya ang dadalhin nilang bag at sinigurado na kumpleto ang kanilang mga kakailanganin. Kinakabahan s'ya ngunit nilakasan n'ya ang kan'yang loob para sa kan'yang mga magulang.

Lihim s'yang nagdadasal na sana ay walang aberya sa kanilang pagtakas mamaya.

Hindi naman nagtagal ang kan'yang paghihintay at may kumatok sa kanilang pinto. Dali-dali s'yang lumabas para silipin ang nasa labas.

Nakita n'ya si mang Tomas sa labas ng kanilang bahay. Agad n'yang binuksan ang pinto at pinapasok ang matanda.

"Mang Tomas," tawag n'ya rito.

"Aalis na tayo Nalie, an