CHAPTER 90

NALIE ATHALIA...

"Iwan na kita dito Nalie, may emergency pa kasi ako na pupuntahan," paalam ni Spike sa kan'ya ng marating nila ang harapan ng police station.

"Maraming salamat," pagpapasalamat n'ya dito. Nawala talaga sa isip n'ya ang manghingi ng tulong sa lalaki na nagmagandang loob na ihatid s'ya sa police station kung saan ikinulong ang kan'ya ama.

"Maliit na bagay! Oh s'ya, aalis na ako at pasensya na kung nabangga kita kanina dahil sa pagmamadali ko," ang lalaki sa kan'ya. Tipid s'yang tumango dito at ngumiti bilang tugon.

Tinapunan pa muna s'ya nito ng tingin bago tuloyang iniwan sa harapan ng police station.

"Your eyes looks familiar," mahinang sabi ni Spike ngunit malinaw n'yang narinig. Agad din itong umalis pagkatapos sambitin ang mga katagang iyon.

Nagpakawala muna s'ya ng hangin at tinapangan ang kan'yang sarili na naglakad palapit sa mismong bungad ng naturang istasyon ng pulisya.

Pagpasok n'ya ay nakita n'ya agad ang isang pulis na nasa isang mesa sa harapan malapit s