CHAPTER 6

BLAYRE JOAQUIM...

"T-Tres," nanginginig sa takot na tawag nito sa kan'yang pangalan. Mas lalo pang uminit ang ulo n'ya dahil pakiramdam n'ya ay nagpapaawa lang ang dalaga.

"Don't use that face against me, woman dahil hindi mo ako makukuha sa pagpapaawa mo. Ito ang tandaan mo, Preccy, gagawin ko ang lahat para maging kalbaryo ang buhay mo katulad ng ginawa mo sa buhay ko! Get lost woman!" malakas na sigaw n'ya sa pagmumukha ni Preccy bago ito tinalikuran at tinungo ang hagdan.

Hindi pa s'ya nakuntento, nang madaanan n'ya ang isang vase ay mabilis n'ya itong sinipa. Naglikha ito ng malakas na tunog lalo na ng mabasag ito at nagkalat sa sahig.

Bago s'ya tuluyan na umakyat sa hagdan ay nilingon n'ya muna na may matalim na tingin si Preccy at nakita n'ya na naginginig ang babae sa takot. Bagay na ikinangisi n'ya dahil kahit papaano ay nakaganti din s'ya sa babae.

"Linisin mo yan!" pasigaw na utos n'ya rito.

Dumiretso s'ya sa taas at agad na naligo. Ibinabad n'ya ang katawan sa bath tub. Masyado s'yang stress simula ng ikasal sila ni Preccy. Gulong-gulo ang buhay n'ya dahil sa babaeng iyon kaya bagay lang dito na gagawing empyerno ang buhay.

Pagkatapos n'yang maligo ay humilata s'ya sa kama. Hindi n'ya alam na nakatulog pala s'ya. Dala siguro ng pagod at stress dahil sa nangyari sa kan'yang buhay.

Hating gabi na ng magising s'ya. Nakaramdam s'ya ng gutom dahil hindi pala s'ya kumain kanina bago s'ya natulog. Kaya naman ay nagpasya s'yang bumangon para bumaba.

Tanging boxer lamang ang kan'yang suot ay kampanti s'yang bumaba ng hagdan. Bahay n'ya ito at walang makakadikta sa kan'ya kung ano ang kan'yang isusuot.

Dumiretso s'ya sa kusina at nakita na may pagkain na natatakpan. Isa-isa n'ya itong binuksan para lang mapamura ng makita na pritong itlog ang naroon. Kaya naman ay dali-dali n'yang tinungo ang maid's room at pagdating sa pintoan ng kwarto ni Preccy ay malakas n'ya iyong sinipa.

Dahil sa sobrang lakas ay pasalya na nabuksan ang dahon ng pinto na ikinagulat ng babae na natutulog.

"S-Senyorito anong nangyari?" pupungas-pungas na tanong nito sa kan'ya. Nangangalaiti sa galit na lumapit s'ya rito at hinawakan sa braso ang babae at pinisil iyon.

Napangiwi ito sa sakit ngunit imbes na tigilan ang kan'yang ginagawa ay mas lalo n'ya pang pinisil ang braso ng dalaga.

"Nagtatanong ka pa? Wala ka na ngang trabaho dito buong araw, wala ka pang silbi kahit sa pagluluto. Anong ipapakain mo sa akin? Yong pritong itlog na niluto mo! Putang'ina naman oh!" malakas ang boses na singhal n'ya sa babae na nanginginig ang labi at parang maiiyak na.

"H-Hindi ko kasi alam na uuwi ka kaya hindi ako nagluto kanina," katwiran nito na mas lalong ikinatagis ng kan'yang bagang. Pasalya n'yang binitawan ang braso nito at nangangalaiti sa galit na sinipa ang maliit na mesa sa tabi ng kama ng dalaga.

"Wala ka bang utak? Nakita mo na ako kanina Hindi ba? Bakit sasabihin mo na hindi mo alam na uuwi ako? Ang sabihin mo, wala ka talagang silbi!"

"P-Pasensya na senyorito. Ipagluluto ko na lang ka—,"

"Lumayas ka dito! Iyan ang gusto kong gawin mo, Preccy, lumayas ka sa buhay ko. Umalis ka!" malakas na sigaw n'ya sa pagmumukha ng dalaga. Hindi na nito napigilan ang mga luha. Sunod-sunod na nagbagsakan ang mga iyon na mas lalong ikinagalit n'ya.

Palagi na lang ito umiiyak para kaawaan ng pamilya n'ya at kapag nalaman ng kan'yang mga magulang ang kan'yang ginawa ay s'ya na naman ang sasabunin ng mga ito at si Preccy na naman ang kakampihan.