CHAPTER 14

AUDREY PRISCILLA...

Narating nila ang bahay ni Tres na nasa kaparehong village lang din na tinitirhan ng mga magulang nito at mga kapatid.

At totoo sa sinabi ng mga ito kanina ang tatlong kasama, sinamahan s'ya ng ina at mga kapatid ni Tres sa pagpasok sa bahay ng lalaki.

"Where have you been? Bakit ngayon ka lang, ha! Gawain ba ng matinong babae na may asawa ang ginagabi ng uwi?" nauna s'yang pumasok sa bahay dahil sa utos ng ina ni Tres at wala s'yang nagawa kundi ang sumunod. At ang malakas na pagsigaw ng lalaki ang agad na sumalubong sa kan'ya.

Kahit inaasahan n'ya na mangyayari ang bagay na ito ngunit napakislot pa rin s'ya dahil sa gulat ng marinig ang malakas na boses ng lalaki.

"Sumagot ka!" muling sigaw nito sa kan'ya. Nasa bungad ito ng hagdan at s'ya naman ay nasa pintoan at natulos ang mga paa. Nararamdaman n'ya rin ang panginginig ng kan'yang katawan at parang naparalisa dahil sa takot.

Hindi n'ya rin namalayan na nakalapit na pala si Tres sa kan'ya at hinablot ang