CHAPTER 5

BLAYRE JOAQUIM...

"Ano na naman ang kasalanan ko tay?" inis na tanong n'ya sa ama at mabilis na tumayo. Akmang susugurin s'ya ulit nito ng biglang bumukas ang pinto ng kan'yang opisina at pumasok ang kan'yang kapatid na si Uno.

"What happened?" nagtatakang tanong ng kapatid habang nagpalipat-lipat ng tingin sa kanilang dalawa ng ama.

"Itong bastos mong kapatid ay sumusobra na, Uno. Hindi ko alam kung anong kulang sa pagpapalaki namin sa inyo ng nanay n'yo!" namumula sa galit na sagot ng ama sa kan'yang kapatid.

Agad na nabaling sa kan'ya ang tingin ng kapatid at isang katakot-takot at matalim na tingin ang ipinukol nito sa kan'ya. Sa kanilang apat ay si Uno ang nakakatakot sa lahat dahil kakaiba ang ugali nito na mukhang namana yata sa lolo Drake nila. Madalas ay malamig at seryoso lang ito kung makitungo sa kahit na sino.

"What did you do this time, Tres?" malamig na tanong nito sa kan'ya. Kung hindi n'ya lang ito kapatid at kilala ay baka panayuan s'ya ng balahibo sa tono ng pagsasalita nito.

"I didn't do anything! Hindi ko nga alam kung bakit sumugod si tatay dito," sagot n'ya sa kapatid dahil wala naman talaga s'yang ginawa para ikagalit ng kanilang ama.

"Hindi mo alam? Gago ka ba, Tres? Nag-uwi ka ng babae sa bahay n'yo, knowing that your wife is there at buntis sa anak mo! Anong klaseng lalaki ka, Tres? At ano ang ginawa mo sa sekretarya mo ngayon lang? Gawain ba ng matinong lalaki yan?" nangangalaiti sa galit na sigaw nito sa kan'ya at pinagduduro pa s'ya.

"Gawain ko talaga yan tay dahil hindi naman ako matino!" pabalang na sagot n'ya sa ama at nagtagis ang mga bagang ng maalala ang sinabi nito tungkol sa pag-uwi n'ya ng babae sa kanilang pamamahay.

Nagsumbong pala ang magaling n'ya na asawa kaya galit na galit ang ama n'ya sa kan'ya ngayon at sinugod pa s'ya sa kan'yang kompanya.

"Talagang sinasagad ng babaeng iyon ang pasensya ko!" lihim na sabi n'ya habang kuyom ang mga kamao ngunit agad din na naudlot ng may isang kamao ang tumama sa kan'yang mukha.

Napaatras s'ya at lumapat sa pader ang kan'yang likod dahil sa sobrang lakas ng pagkakasuntok sa kan'ya. Nang mag-angat s'ya ng ulo ay nakita n'ya ang kapatid na kuyom pa rin ang kamao at nagbabaga ang mga mata na nakatingin sa kan'ya.

"What the fvck, Uno!" singhal n'ya sa nakakatandang kapatid. Magkasing edad lang naman sila ngunit dahil ito ang naunang lumabas sa kanilang apat ay normal lang na ito ang naturingan na matanda sa kanilang apat. Qua droplets sila ng iluwa ng kanilang ina.

"What the fvck to you too, Tres! Wala ka na talaga sa matinong pag-iisip na gago ka! Ganyan ka na sumagot ngayon kay tatay? Nakalimutan mo yata kung sino ang kausap mo, Tres! He is our fvcking father! Damn you!"

"Sinasabi mo lang yan kasi hindi sayo nangyari ang bagay na ito, Uno! Hindi ikaw ang ninakawan ng kalayaan. Fvck! I don't want that woman to be my wife pero pinilit nila ni nanay at tatay na ipakasal kami!"

"Because you touched here! Can't you see your wife, asshole? She is too young and fragile! Hindi ka ba naaawa sa kan'ya? Sa magiging anak n'yo? Putang'ina! Kalalaki mong tao pero wala kang bayag, Tres! Pathetic!" galit na sigaw sa kan'ya ng kapatid at mabilis na tumalikod para umalis.

Naiwan s'ya at ang kan'yang ama na may matalim na tingin sa kan'ya. Hindi n'ya alam kung ilang beses na s'yang nagmura ng oras na iyon.

"This is your last warning, Tres! Kapag may ginawa ka pa kay Preccy, magpasensyahan na lang tayo, do you understand?" banta ng ama sa kan'ya.

"What.., tay? Ipaparanas mo rin ba sa akin ang ginawa ni mamita sayo noong ganito din ang mga pinagagawa mo kay nanay noon?" nakangisi na sagot n'ya sa ama. Natigilan ito at hindi agad nakahuma ngunit ng makabawi ay inilang hakbang nito ang kanilang pagitan at hinawakan s'ya sa kwelyo ng kan'yang damit at sinakal.

"Subukin mo pa ako, Tres! Subukin mo pa lalo ang pasensya ko para malaman mo kung ano ang magagawa ko sayo bilang ama mo!" nangangalaiti sa galit na sabi nito sa kan'ya habang sakal-sakal s'ya. Hindi naman nagtagal ang kamay nito sa kan'yang kwelyo at binitawan din s'ya at mabilis na umalis.

Naiwan s'ya na abot langit ang galit dahil pakiramdam n'ya ay pinagkaisahan s'ya ng lahat.

Nagtagis ang kan'yang mga bagang at naikuyom ang mga kamao ng maalala si Preccy. Dahil sa ginawa ng babaeng iyon ay naging kaaway n'ya ang kan'yang buong pamilya at nasuntok pa s'ya ng ama at kapatid.

Kaya mas lalo s'yang nagalit sa babae dahil sa pagsusumbong nito sa kan'yang ginawa.

"I will make you pay, woman!" nangangalaiti sa galit na sabi n'ya at agad na tumayo para umuwi. Hinablot n'ya ang susi ng kan'yang sasakyan na nasa ibabaw ng mesa at diretsong naglakad patungo sa pinto.

Marahas n'ya itong binuksan at lumabas. Nang madaanan n'ya ang mesa ng kan'yang sekretarya ay hindi n'ya ito nakita at alam n'ya na sa mga oras na iyon ay wala na s'yang sekretarya na mas lalong ikinasidhi ng kan'yang galit at ang lahat ng sisi ay ibinato n'ya kay Preccy.

Dali-dali s'yang nagtungo sa elevator at agad na sumakay. Pinindot n'ya ang button pababa at pagkalipas ng ilang segundo ay nasa baba na s'ya. Diretso s'yang lumabas at hindi alintana ang mga tingin sa kan'ya ng kan'yang mga empleyado.

Padaskol s'yang pumasok sa kan'yang sasakyan at pinaharurot ito paalis. Galit at poot ang nararamdaman n'ya habang nagmamaneho pauwi at alintana ang ibang sasakyan na muntik n'ya ng masagi dahil sa bilis ng kan'yang pagmamaneho.

Wala pang kalahating oras ay nasa Cassandra Village na s'ya. Dahil sa galit kahit pagbati pabalik sa mga gwardya sa labas na bumati sa kan'ya ay hindi n'ya na nagawa.

Deritso s'yang nagmaneho patungo sa kan'yang bahay. May kalayuan ito sa iba at ang kan'yang kapitbahay sa bahaging iyon ay ang kapatid na si Dos.

Hindi pa naiparada ng maayos ang sasakyan ay agad na s'yang bumaba at malalaki ang mga hakbang na naglakad patungo sa pinto ng kan'yang bahay.

Marahas n'ya itong binuksan at malakas itong itinulak pasara na naglikha ng malakas na tunog.

"Preccy! Preccy!" malakas na sigaw n'ya sa pangalan ng babae. Agad naman itong lumabas mula sa kusina na may hawak na basahan. Sa hitsura nito ay mukhang naglilinis ito ngunit wala s'yang pakialam dahil ang nasa isip n'ya ngayon ay ang kan'yang galit.

Nang makita n'ya ang babae ay mas lalo pang umusok ang kan'yang ilong sa galit. Dali-dali n'ya itong nilapitan at hinablot sa braso at pinisil iyon.

"What did you do, ha? Sinasagad mo talaga ang pasensya ko na babae ka!" galit na galit na sigaw n'ya sa pagmumukha ni Preccy. Nagulat naman ito at maya-maya pa ay nagsimula ng manubig ang mga mata na mas lalo n'yang ikinagalit.

Sa tingin n'ya ay nagpapaawa na lang ito palagi at umaasta na kinakawawa para kampihan ng kan'yang mga magulang.

"T-Tres n-nasasaktan ako,"nauutal na sabi nito at pilit na binabawi ang braso.

"Talagang masasaktan ka sa akin kapag hindi ka nagsabi ng totoo! Sinumbong mo ako kay tatay, hindi ba? Nagsumbong ka! Ang lakas ng loob mong magsumbong tapos ngayon iiyak-iyak ka!" sigaw n'ya sa pagmumukha ng asawa. Mariin itong napapikit at parang ayaw makita ang galit sa kan'yang mukha kaya mas idiniin n'ya pa lalo ang mga daliri na nakadiin sa mga braso nito.

Wala s'yang pakialam kung magmarka man sa balat ng babae ang kan'yang mga daliri. Ginalit s'ya nito kaya haharapin nito ng kabayaran sa ginawa.

"Sumagot ka!"

"T-Tres hindi n-naman ako nagsumbong sa kahit na sino," kaila nito ngunit hindi s'ya naniniwala.

"Sinungaling! Open your eyes!" utos n'ya sa babae ngunit hindi ito nagmulat ng mga mata kaya sinigawan n'ya ulit ito.

"Open your eyes!"

Nanginginig ang labi na binuksan nito ang mga mata. Inilapit n'ya sa asawa ang mukha para malinaw nitong makikita ang mga pasa sa mukha n'ya na gawa ng kan'yang ama at kapatid dahil sa ginawa nitong pagsumbong.

"Did you see this? Did you see? Dahil sa lintik na pagsusumbong mo ay sinuntok ako ni Uno at tatay. Dahil sa bibig mo na makati! Dahil sayo ay naging miserable ang buhay ko! Dahil sayo!" malakas na sigaw n'ya kay Preccy at dahil sa kan'yang mga sinabi ay naglaglagan ang mga luha nito ngunit wala s'yang nararamdaman na kahit katiting na awa sa babae.

She doesn't deserve it.