Chapter 18

"Kat, dilaan mo para luminis...," munting pasuyo ni Brix sa babae nang hindi niya alam paano lilinisin ang nagkalat na katas sa kanyang pag-aari at kamay.

"Ewww... ayoko nga, mamaya maamoy pa 'yan sa bibig ko...," asiwang tanggi ni Kat na palingon-lingon pa ring nagbibihis.

Natawa si Kat sa reaksyon ng mukha ni Brix sa pagkatuliro kung paano lilinisin ang sarili.

Tumindig siya sa pagkakaupo sa mesa at hinugot ang isang panyo sa kanyang likurang bulsa.

"O, eto na lang ipunas mo tapos itapon mo na...," pag-aabot ni Kat ng panyo sa kasintahan.

Nangiti at nakaluwag sa pag-aalala si Brix nang kuhain niya ang iniabot ng babae. Daglit niya itong ipinunas sa mga pagitan ng kanyang mga daliri at sa kanyang pang-ibabang ulo. Nang pakiramdam niya'y malinis na ang mga ito, humagilap siya ng pagsisiliran ng pamunas.

Ilang tahol ng aso ang nagpakaba sa dalawa at agad nilang nilisan ang kubo dahil sa takot.

Bago makalapit sa kanilang Bonfire area, naghugas ng maigi ng kamay si Brix sa pampang upang maalis ang tuyong lagkit na pakiramdam sa mga ito.

Ang tanging bitbit nila pabalik ay ilang bahagi ng punit na karton na noong una'y nasalubong na nila papunta sa kubo.

Samantala, sa bandang kinaroroonan nina Eloisa, Pete, Chadie, at Max, sagana ang kanilang mga kamay sa nadampot na mga putol na sanga at iba't ibang bagay na nagkalat sa halamanan.

"Love, baka kasya sa'yo 'to...," pag-aabot ni Pete ng napulot na bra sa kanyang kabiyak.

"Ayyy ano ba 'yang pinagdadampot mo?," diring mukha ni Eloisa sa partner na tawa ng tawa. "Saka excuse me, maliit 'yan...parang knee pad ko lang 'yan," patuloy ni Eloisa na nakisakay sa pagbibiro ni Pete.

"Buy 1, Take Two yata, Eloi...eto pa oh!," pakikisali ni Max sa kulitan ng magjowa habang iwinawagwag ang dalawa pang magkaibang sukat na bra.

"Ayan, may pang-elbow pad at pangcover na ako sa mata ko," mahalakhak na pakikipagbiruan ni Eloisa.

"Baka gusto mo rin ng mga ito?," pag-alok ni Chadie sa mga bagay na nakasabit sa itinaas niyang mga sanga.

"Aba, kumpleto ahhh, may bra, may panty, may palda pa... baka mamaya babae na 'yung madampot n'yo diyan ha...," tuloy na pagbiro ni Eloisa.

Hindi magkamayaw sa malakas na tawanan ang magkakaibigan habang punong puno ang kanilang mga palad sa maaaring magamit para apuyan.

Sa di kalayuan, mula sa dinaanan nilang bahagi kung saan may kasiyahan, pinipigil ni Carey ang pinsan sa tuksong nararamdaman nito.

"Kuya Emong, baka hanapin nila tayo doon... bilisan na natin makabalik...," aya ni Carey habang hila ang kanang braso ng pinsan.

"Konting inom lang naman at makikiparty lang tayo saglit...," ganting udyok din ni Emong.

"Bawal pa ako diyan, Kuya... menor de edad pa ako...,"

"Oo nga pala... sige hintayin mo lang ako dito... isang bote lang... maghanap-hanap ka lang ng madadala natin doon pabalik..., hindi pagpapaawat ni Emong na pinakawalan rin ni Carey.

Tuluyang pumasok si Emong sa loob ng tila isang bar sa gitna ng dalampasigan habang naiwan si Carey na nag-aala tsamba sa mapupulot.

Kung tutuusin ay hindi na niya kailangan pa ang flashlight dahil maliwanag naman ang mga bituin ng kalawakan ngunit sadyang malabo ang mga mata ni Carey sa dilim.

Sa pagpapaikot niya ng liwanag ng flashlight sa bahagi ng buhangin, isang bagay ang pumukaw ng kanyang atensyon. Nilapitan niya ito at dinampot.

"Bakit may sapatos ng bata dito?," tanong niya mula sa isip.

Tangan ang napulot na pambatang sapin pang-paa, inilibot niyang muli ang sinag ng flashlight at nakasipat pa siya ng isang malaking sako. Ilan pang hakbang ay natuwa naman siya sa naglipanang mga kahoy na para bang mga panggatong na.

Dinampot niya ito isa-isa at pinagsama-sama sa hila-hilang sako. Habang tumatagal siya sa pangongolekta ng mga kahoy, pakiramdam niya'y lalo itong dumadami at nagulat na lamang siya nang makita niya ang pinsang si Emong na nagsasayaw mag-isa.

Labis ang galak ni Emong sa mga bagong nakilala ngunit napahinto siya sa pagsasayaw nang karamihan sa naroroon ay lumingon sa isang teenager na unti-unting binabaklas ang ilang bahagi ng dingding. Kilala niya ito kaya sa hiya ay nagpaalam siya sa mga kasayawan.

Nakatulala na sa kanya ang teenager nang lapitan niya ito. Itinayo niya ito at inilayo sa lugar na iyon na hila-hila rin ang sako.

"Ano ka ba, Carey? Nakakahiya yung ginawa mo...," galit na tuon ni Emong sa pinsan.

Nakatingin pa rin ito sa kanya na puno ng pagtataka.

"Pero Kuya Emong....," kibot ni Carey na pinutol ng pinsang sapilitan siyang hila.

"Masyado ka namang hapit... pati haligi ng bar binaklas mo makakuha lang ng pang-bonfire natin... nakakahiya tuloy sa mga tao doon...," punong inis na sermon ni Emong sa kasama.

Hindi naalis ang palaisipang namasdan ni Carey sa pinsan niya kahit pa nakabalik na sila sa piling ng kanilang grupo. Sadyang puno ng katanungan ang kanyang isip lalo na sa mga winika ni Emong habang tinatahak nila ang puwesto ng tropa nila.

Namamapak na ng ilang tsitsirya ang mga dinatnan nila sa Bonfire area nang sila'y makadatal rito.

Nakakumpol sa isang bahagi malapit sa siga ang lahat ng mga nakolekta nilang pandingas.

Malaking bagay ang init na idinudulot ng apoy sa lamig ng gabing iyon.

"Mag-alkohol muna kayo ng kamay bago kayo kumain," pagsalubong ko kay Carey at Emong.

Napuna ko ang simangot ni Emong kaya kinalabit ko pasikreto si Carey:

"Bakit nakasimangot 'yun?"

"Hindi ko rin alam Kuya Hardy bakit nainis sa akin si Kuya Emong eh...,"

"Ahh sige kumain na kayo doon... humingi ka ng barbecue dun sa iniihaw ni Ate Jing-Jing mo...," patuloy kong instruksyon kay Carey.

"Sige po, Kuya... thank you." panapos ni Carey bago kinuha ang alcohol at lumapit sa dilag ko.