Chapter 1: Desperate

AYEISHA'S POV…

“NABABALIW KA NA ba, Ayeisha? Kapatid mo siya, ‘di ba?”

Napaingos ako  pagkarinig sa sinabi ng aking kaibigang si Bem.

“Ilang beses ko bang uulitin sa ‘yo, Bem, na hindi ko nga kapatid si King! Nakakainis ka na!”

Si Bem naman ang umingos sa akin. “Wow. King na lang, girl? Nasaan ang Kuya? Porket wala ang Daddy mo kinalimutan mo na ang lahat?”

“Bem!” ani kong naiinis na parang bata sa aking kaibigan. 

Marahas pa akong  nagpakawala ng buntonghininga mayamaya.

Alam kong  inaasar lang ako ni Bem pero hindi ko pa ring maiwasang mainis. Tutol din kasi siya  na gustuhin ko ang Kuya King ko. We're brother and sister, but not blood related. Anak-anakan lang ng Daddy ko ang Kuya King ko, so may pag-asa pa kaming dalawa.

Ayaw nila na gustuhin ko siya. Pero anong magagawa ko, gusto ko nga talaga ang dumuho kong Kuya na 'yon? Kaya bang utusan ang puso na iba ang mahalin? Kaya mo bang turuan? 'Di ba, hindi? Ngayon lang ako umibig tapos mabibigo pa? No way!

"Ano? Nasaan na siya?" ani ko kay Bem.

Si Bem kasi ang malapit na kaibigang babae ng Kuya King niya, na siya ring malapit kong kaibigan. Si Bem din ang kausap ng Kuya King ko kanina. Pinapapunta niya ito ngayon sa restaurant para makasabay namin sa pagkain. Siyempre, sa utos ko. Malakas ako kay Bem, e. Kung ako ang mag-te-text no'n, paniguradong hindi darating si Kuya.

Nandito kami ngayon malapit sa opisina nila Kuya King at sinadya naming dito magkita para wala siyang takas.

Sabay kaming napatingin ni Bem sa labas nang may humintong isang magarang sasakyan.

Napangiti ako sa loob-loob. Siyempre, alam kong kay King ang sasakyang iyon. Ikaw ba naman maging stalker. Lahat na yata ng gamit niya ay alam at kilala ko. Kahit ang mga brand ng mga suot niya, alam ko. Kahit ang nunal sa katawan niya, alam na alam ko. Ako pa ba?

"Happy?" ani ni Bem nang tumingin sa akin. Nakita niya rin kasi si Kuya King.

"Super duper happy," ani kong malanding kinagat ang steak.

Napailing sa akin si Bem.

Napaayos ako ng sarili maya-maya nang makitang pababa na siya ng sasakyan.

"Damn! He's so hotter than the sun!" bulalas ko.

"Ang OA mo, Ayeisha!"

"Ssshhh… He's comming and watching us," saway ko sa kan'ya. Papasok na kasi sa restaurant ng mga sandaling

Ang lupit din ng vision ko kasi, malawak. Basta si Kuya King ang pinag-uusapan, kaya kong gawin ang posible.

Kinuha ko ang tablet binuksan ang isang app para kunwari ay abala ako.

Ilang sandali lang ay narinig ko na ang baritonong boses ni Kuya King. Tinawag niya si Bembem.

"Hi," ani lang niya sa akin. Kay Bem lang siya nakipagbeso kaya nakaramdam ako ng inis. 

Tumayo ako at nilapitan siya. “Hello, Kuya,” ani ko sabay lapit ng mukha sa kan’ya para halikan siya pero pinigil lang niya ako. 

Bagsak ang balikat na bumalik ako sa upuan ko.

Alam kong nakita ni Bem ang pagkadismaya ko kaya sumingit na siya agad sa amin. Bumalik ako sa kinauupuan ko at inabala na nga talaga ang aking sarili. Naiinis ako kay Kuya. Kapag wala ang Daddy ko, ganito talaga siya sa akin. Pero hindi naman sa lahat ng bagay. Ayaw lang nitong magdikit ang aming balat.

“My achievement deserves to be celebrated tonight, King. It would be great if you could attend,” ani ni Bem sa Kuya King niya na abala sa telepono.

“Sure. Pero baka ma-late ako. Ihahatid ko pa si Jena sa airport ngayon. Dumaan lang ako para hindi mo masabing ini-ignore kita.”

“Good. Kahit anong oras pa ‘yan, basta pumunta ka.”

“Okay. So, ‘yon lang ba?” 

Tumingin sa akin si Bem kaya pinanlakihan ko lang siya ng mata. Baka mamaya mahalata ni King na ako lang ang nagpumilit sa kaibigan na papuntahin siya.

“Yes,”

"Okay." Tumayo siya, at tumingin sa akin. "Deretso ng uwi, baka tawagan na naman ako ni Tatay."

"Sasama ako mamaya kay Bem kaya hindi pa ako makakauwi. After ng party na lang."

Napabuntonghininga siya sa  sinabi ko. "Okay. Malaki ka naman na," sabi lang niya.

Tumaas ang kilay ko sa sinabi niya. Talagang wala siyang pakialam sa akin. Kung sinabi niyang ihahatid niya ako, uuwi agad ako, e.

Nakaalis na lahat-lahat si King, nasa entrance ng restaurant pa rin ako nakatingin. Wala talaga siyang ka-amor amor sa akin. Kailan niya kaya ako makikita bilang babae?

Pagkagaling namin sa restaurant ay dumertso ako sa condo ko para magpahinga. Gabi pa naman ang party na sinasabi sa akin ni Bem. Dadaanan na lang daw niya ako. Saka may ide-deliver sa akin mamaya, dapat nasa condo lang ako. 

Nagpahinga lang ako saglit bago natulog. Nagising lang ako nang makarinig ng sunod-sunod na doorbell. 

Papungas-pungas na bumaba ako sa kama. Inabot ko ang tali ng buhok  ko bago lumabas ng silid. 

Napangiti ako nang makilala kung sino ang nag-doorbell.  Kaagad na binuksan ko ang pintuan para papasukin siya.

"Ito na 'yon?" ani ko nang higitin ang dala niya.

"Yes," nakangiting wika ni Hugo.

"Thank you, Hugo. Deposit ko na lang ang full payment para dito."

"O sige. Tawag ka lang sa akin kapag kailangan mo pa." Tumango ako sa kan'ya. 

Nagpaalam na rin siya agad dahil may lakad pa raw. 

Nakangiting pinagmasdan ko ang bote na galing kay Hugo. Sana maikatuparan ko na ang plano ko. Walang alam si Bem sa plano ko. Bahala na kung magalit siya. Ako naman ang sasagot sa lahat ng nga tanong oras na magkabukingan.

Bandang alas otso na nang magpasya akong mag-ayos ng sarili. Tumawag muna ako sa bahay na sa condo ako matutulog. Pumayag naman kaagad ang Mommy at Daddy ko nang sabihin kong may tinatapos akong damit na dinedesinyo.

Hindi na ako nadaanan ni Bem dahil out of way na raw. Buti na lang may isang sasakyan pa ako na nasa parking lot. Coding, pero ayos lang, gabi naman na. Paniguradong nakauwi na ang mga enforcer niyan. 

Sa bahay ng mga Salas ginanap ang party ni Bem. Magulang ni Bem ang may gustong mag-celebrate kasi. May tatlong award kasing natanggap ang aking kaibigan. Isa siyang pintor. Pero maliban sa pagpipinta, ito na ang humahawak ng negosyo nila.

Saktong alas diyes ng gabi ako nakarating sa villa nila. Mula sa mayamang pamilya ang kaibigan kaya ang bahay nila ay malaki at malawak, animo'y bahay ng mga bida sa mga disney movie na napapanood ko, magarbo.

Napapaligiran din ng mga halaman ang magarbong bahay nila Bem kaya masarap sa mata. Makulay din dahil sa mga ilaw.

Napangiti ako nang marinig ang musika na nanggagaling sa malawak na lawn nila, kung saan ginaganap ang party.

Marami ng naka-park na sasakyan nang mga sandaling iyon kaya naghanap pa ako ng puwdeng pagparkingan ko, at sa pinakadulong bahagi ako nakahanap.

Pagkababa ko ay hinanap kaagad ng mata ko ang sasakyan ni Kuya King. Kilala ko naman na ang mga pag-aari niyang sasakyan. Bahagya akong nalungkot nang hindi ko makita, wala pa pala.

Kita ko na mula sa pintuan ang mga bisitang nagkakasiyahan sa lawn, pero mas pinili kong tumuloy sa loob. Nagpasya na lang akong mamaya na makisaya sa mga ito. Babatiin ko lang ang magulang ni Bem.

Napangiti sa akin ang ginang nang makita ako, maging ang asawa niya. Wala daw si Bem, umalis saglit dahil may sinundo daw sa kabilang village. 

Pagkatapos makipagkuwentuhan sa mga ito ay lumabas na ako. Nakita ko agad ang ibang kakilala namin ni Bem kaya nilapitan ko ang mga ito. Hindi ko masabing kaibigan ko sila, bihira lang kami kasi magkasama, unlike kay Bem. 

Akmang lalagok ako ng alak na inabot ni Greymar nang mapansin ang pagpasok ng sasakyang kulay maroon. Napangiti ako nang makita ang plate number. Kaagad na isinagawa ko ang plano.

Nagsalin ako ng alak na iniinom niya sa isang baso, na hiningi ko kanina sa waiter. Kinapa ko ang boteng dala kanina ni Hugo sa bag ko at binuksan iyon sa ilalim ng mesa. Buti na lang madilim sa bahaging iyon, hindi kita ang aking ginagawa. 

Dinala ko sa ilalim ng mesa ang kopita matapos kong buksan ang bote. Tumingin muna ako sa piligid kung may nakatingin sa akin, wala naman. Sakto kasing nagsialisan ang ibang nasa mesa na iyon para sumayaw, meron ding lumapit sa ibang kakilala para makipagkuwentuhan.

Mabilis na ibinalik ko ang maliit na bote sa bag ko. Tumayo ako na bitbit ang baso at kopita ko saka pumunta sa parking lot. Kakalabas lang ni Kuya King ng mga sandaling iyon sa sasakyan niya.

"Kuya King!" nakangiting tawag ko sa kan'ya. Tumingin naman siya sa gawi ko at hinintay ang paglapit ko. "O, para sa 'yo. Alam kong gusto mo 'to." Itinaas ko pa ang baso na may lamang brandy.

"Nakailan ka na?" Tumingin siya sa hawak kong kopita bago kinuha ang inaabot kong baso.

"Hmm, tatlo?" 

"May dala kang sasakyan?"

"Meron."

"Damn! Alam ni Tatay?"

"Nope. Ang alam niya, nasa condo ako, nagtatrabaho."

"Tsk. Hanggang lima ka lang, kung ayaw mong ihatid kita agad pauwi." Nagbaba siya ng tingin sa suot kong hindi aabot sa tuhod na dress. "Too short, little sis. Baka pag-fiestahan ka naman niyan."

Napangiti ako sa sinabi niya. Ayan na naman siya pagiging concern sa akin. Kaya tuloy minsan, iba ang pagkakaintindi ko.

"Don't worry, behave lang ako. Alam ko namang may mata ang Daddy ko dito," ani kong kunwa'y naiinis.

"Good."

"Balik na ako. Ciao!" Mabilis na tinalikuran ko siya. Lumapad din ang ngiti ko dahil dinala nito sa labi ang baso bago ako tumalikod. Siguradong uubusin niya iyon, kaya kailangan kong i-monitor ang ginagawa niya.

Mula sa kinauupuan ko ay kitang-kita ko ang ginagawa niya. Hawak niya pa rin ang binigay kong alak. Nilapitan niya ang isang magandang babae. Hindi ko kilala, pero mukhang circle of friends din ito nila Bembem at Kuya King.

Mayamaya lang ay umingay ang crowd nang lumabas na si Tita at Tito kasama si Bem. Mukhang ang nobyo niya ang sinundo kanina na sinasabi ni Tita.

Inubos ko muna ang alak at lumapit sa mga ito. Kaagad na niyakap ko si Bem at binati, akala mo naman hindi kami nagkita kanina. Lumapit din si Kuya King maging ang ibang kaibigan niya sa amin.

Saglit na lumayo ako para hanapin si Kuya King. Nawala kasi bigla.

Napaangat ako ng kilay nang makita ito na humihingi ng alak, nakapulupot ang babaeng kausap niya kanina, gano’n din siya. Pakiramdam ko, may tumutusok sa dibdib ko dahil sa sobrang selos. Hindi man lang siya nahiya, nandoon ako, e.

Natigilan ako nang maalalang wala naman kami. Kapatid lang ang turing niya sa akin. 

Bumalik na lang ko sa mesang kinauupuan ko kanina at pilit na nilibang ang aking sarili.

Nagtama ang aming paningin nang minsang mapalingon siya sa akin. Kunot ang noo niya nang laklakin ko ang dalawang kopitang naroon sa harapan ko. Talagang pinakita ko sa kan'ya sa sobrang inis ko.

Natigilan ako nang bigla niyang sapuin ang ulo niya. Hindi kaya umepekto na? Tumingin ako sa relong pambisig ko, mag-iisang oras na pala. Kanina pa siguro niya nararamdaman iyon! 

Kaya ba tumingin siya sa akin? Hindi kaya pinaghinalaan na niya ako?

Napalunok ako dahil sa isiping iyon.

Nagmadali akong tumayo at lumapit kay Bem. Nagpaalam ako na magpapahinga muna sa resthouse ng mga ito na nasa likurang bahagi. Kompleto ang gamit doon at aircondioned pa. Lagi akong tumatambay doon kapag narito ako sa bahay nila.

Nilingon ko pa si Kuya King na nakatingin din sa akin. Alam kong sinundan niya ako ng tingin hanggang sa pathway kung saan iyon ang daan papuntang resthouse. 

Sana lang gumana ang plano ko. Alam kong ako ang unang pupuntahan niya kapag lumala ang nararamdaman nitong init sa katawan. Kaya siguro hinayaan na niyang lumingkis ang babaeng iyon sa kan'ya.

Pabagsak na nahiga ako sa kama nang makapasok ako. Kinakabahan man pero iyon lang ang paraan ko para makuha si Kuya King. Gustong-gusto ko talaga siya.

Napahilot ako sintido kapagkuwan. Ramdam ko na ang pagkahilo. Marami na kasi akong nainom, hindi lang limang kopita ng vodka spritz, sobra pa. 

Napapitlag ako nang biglang bumukas ang pintuan. Iniluwa no'n ang inaasahan ko, si Kuya King. Nagdiwang ang akong kalooban.

Namumula na ito at hindi maipinta ang mukha na nakatingin sa kan'ya.

"Ano ang pinainom mo sa akin, Ayeisha?" Halata na ang galit sa mukha niya kaya napaupo ako. “Ano?!” biglang taas ng boses niya.

"K-Kuya…" Kinakabahan na ako ng mga sandaling iyon.

Tinanggal niya ang ilang pagkakabutones ng polo habang naglalakad palapit sa akin. Nakaupo na ako ng mga sandaling iyon.

Napapikit ako nang basta na lang niya sapuin ang pisngi ko.

"Tell me, Ayeisha. Sabihin mong mali ako ng iniisip. Na hindi ikaw ang naglagay ng party drugs sa baso ko."

"O-ouch," d***g ko nang dumiin ang daliri niya sa aking pisngi.

Ramdam ko ang panginginig ni Kuya King ng mga sandaling iyon. Talagang umepekto na nga. At sa mga susunod na oras, mas lalong hindi niya malabanan iyon. 

Hindi ako sumagot kaya napamura siya ng malakas na parang ikabingi ng aking tainga. Binitawan niya ako kapagkuwan nang d*****g ako sa sakit ng daliri niya. Tiningnan niya ako ng masama.

Napapikit siya habang sinasapo ang batok niya. Tumalikod ito sa akin kapagkuwan. Sa tingin ko, tumitindi na ang pinainom ko sa kan'ya, kaya bumaba ako at niyakap siya mula sa likuran.

"F-f*ck! B-bitawan mo ako, Ayeisha!"

Napabitiw ako nang magpumiglas ito. Muntik na akong matumba sa sahig. Buti na lang nasalo ako ng kama.

"W-what the hell is happening to you? Huh? Kanina, you drugged me, tapos ngayon niyakap mo ako? I don't understand you, Ayeisha." 

"Hindi pa ba malinaw sa 'yo, Kuya King? Gusto kita. Hindi bilang kuya kung hindi bilang lalaki. Mahal kita, King."

Umiling-iling siya sabay taas ng kamay. "No. That can't be… Magagalit si Tatay sa akin at sa ‘yo, kapag nalaman niya ito."

"I don't care, Kuya! Hindi kita kapatid alam mo 'yan!" Lumapit ako sa kan'ya at hinawakan ang kamay niya. "Wala namang masama, Kuya kung gustuhin natin ang isa’t-isa, sa totoo lang."

Biglang pitik ng balikat niya na parang may kumiliti. "Damn!" dinig kong sabi niya sa mahina sabay hila sa neckline ng damit niya. Parang init na init na siya.

Akmang yayakapin ko siya nang itaas niya ang kamay.

"'W-wag kang lumapit, Ayeisha. O-or else…" aniyang hindi masabi.

Alam ko naman ang ibig niyang sabihin. Baka hindi niya mapigil ang sariling hindi ako angkinin. Iyon ang epekto ng drugs na pinainom ko sa kan’ya. Maghahanap at maghahanap siya ng babaeng maangkin dahil sa drogang iyon. Mahirap ding pigilan iyon. At iyon nga ang gusto kong mangyari ngayong gabi. Para matigil ang kasalang King at Jena.

"Or else what, King? Aangkinin mo ako?" Ngumiti ako sa kan’ya ng matamis.

Napatitig siya sa akin habang dahan-dahan kong hinuhubad ang aking damit sa harapan niya. Umalon-alon ang adams apple niya dahil sa ginawa kong pang-aakit. Kinakagat ko rin ang aking labi para lalo siyang maakit sa akin.

Nag-iwas siya ng tingin nang tuluyan ko ng nahubad ang dress ko. Bra at underwear na lang ang aking saplot ng mga sandaling iyon. Sinamantala ko iyon para lapitan siya.

Hahawakan ko sana siya nang bigla niya akong tinulak. Pinulot niya ang damit ko at pilit na isinuot sa akin kahit na nanginginig na. Para din siyang napapaso kapag dumidikit ang balat sa akin, na sinusundan niya ng malulutong na mura. Talagang sobra talaga ang pagpipigil niyang angkinin ako.

“I-I will never like you. N-never. S-si Jena ang mahal ko kaya itigil mo na itong kalokohan mo, Ayeisha. Ikakasal na rin kami.” Hinawakan niya ang zipper sa tagiliran ko at zinip iyon. “K-kapatid lang ang turing ko sa ‘yo. Get it? Kaya kahit maghubad ka sa harap ko habang nagdedeliryo ako dito, hinding-hindi ako maakit. Dahil wala kang dating sa akin bilang babae.”

Parang may pukpok sa ulo ko ng mga sandaling iyon. Ang dibdib ko ay parang pinipiga din sa sobrang sakit ng sinabi niya. Ganito pala ang masampal sa katotohanan. 

Tinulak ko siya sa sobrang sama ng loob ko. Gustong kumawala ng luha ko pero pinigil ko lang. Pinatigas ko ang mga kamay ko para labanan ang sakit na nararamdaman ko. 

Inayos ko ang aking sarili kapagkuwan, at tumalikod na para lumabas. Nabigo ako sa aking plano. Kailangang tanggapin ko na hindi siya kailanman magiging akin.

Ikaw ba naman sampalin ng katotohan?

Pero bago ko isara ang pintuan, tiningnan ko siya sa huling pagkakataon na may pagmamahal, nakatingin din siya sa akin. Kita ko sa mga mata niya ang matinding pagnanasa pero naroon pa rin ang pagpipigil niya. Muli kong naikuyom ang mga palad ko para pigilan ang luhang nagbabadya na.

Sa sobrang galit ko, isinara ko ang pintuan ng resthouse na iyon ng napakalakas.