PART 1-THE BODYGUARD

       MULING nagkibit-balikat si Shebbah. Hindi niya matukoy kung bakit pero habang minamasdan niya ang mukha ng bodyguard niya, tila may munting tinig sa likod ng tainga niya na nagsasabing may kamukha itong tao na nakita na niya matagal na.

       Kanina nang una niya itong masilayan ay estranghero talaga ito sa mata niya. Pero ngayon, animo may pamilyaridad na binubuhay sa kanya ang napansin niyang mannerism nitong idinidiin ng hintuturo sa sentido.

“So? It was just a dead cat and rat. Now if it was a bunch of dead cockroaches, I would’ve freaked out! Takot ako sa ipis eh. Pero hindi ako takot sa pusa o kahit pa sa daga, ’’ aniya.

Nakita niya ang eksasperadong pag-ikot nito ng mga mata sa rearview mirror.

‘’Hindi naman iyon tungkol sa kung ano talaga ang kinatatakutan mo. Ang punto ng nagpadala niyon ay magbigay ng mensaheng baka sa susunod, ikaw naman na ang ikakahon niya.

‘’Even your dad was worried about it. Naniniwala siya sa bantang ipinaparating ng taong nasa likod niyon. Kaya pinakiusapan niya ang lolo ko kung may kilala ba itong maaring magbantay sa iyo.’’

‘’Masyado lang praning si Dad. Or more to the point, ayaw lang niyang maabala sa pag-iisip sa akin at sa kaligtasan ko. Abala nga naman kasi siya sa pagpapalano ng kasal nila ng Hetty na iyon! Kaya ka niya kinuha para maging bodyguard ko. To transfer the worry and responsibility to you.

‘’Pero ang totoo, mas dapat siyang mag-alala para sa sarili niya! Dahil nasisiguro kong gagamitin at paiikutin lang siya ng Hetty na iyon! My God! That woman is almost my age! Can you believe it?!”  wika niya na muling nag-igting ang mga litid sa leeg pagka-alala sa babaeng nagbabalak maging madrasta niya.

Maalala lang niya ang histura, pananamit at paraan ng pananalita ng babae ay umuusok na ang tainga niya sa galit.

Sa dalawang magulang niya, mas malapit siya sa ama niya. Kaya nga nang hiwalayan ito ng kanyang ina upang magpakasal sa movie-director niyong lover ay mas pinili niyang sa ama pumisan. Kasehodang iniyakan pa siya ng kanyang ina, sinumbatan at binantaan.

She was just fifteen then but she knew that if she chose to go with her mother, gagawin nito ang lahat ng makakaya nito upang masigurong mailalayo na siya nang tuluyan sa kanyang ama.

Her mother’s love for her was conditional. Kumbaga, kapag naggagawa niya ang gusto nito, siya ang pinakamamahal nitong unica hija. Subalit kung hindi, katakut-takot na panlalait, panunumbat at sermon ang

ipinupukol nito sa kanya.

       But her father’s love was not like that. Hindi importante dito maging sikat man siyang artista, magkaroon ng maraming endorsements o dagsa ang mga sikat na taong kakilala. Para dito, sapat nang anka siya nito para mahalin nito.

 Sapat na ditong naggagawa niya ang lahat ng gusto niyang gawin. Hindi nito ipinipilit na sumunod siya sa yapak nito bilang businessman. Kung saan siya masaya, sinusuportahan siya nito.

       That is, until that Hetty came and put a gap in her relationship with her father. Mas masahol pa ito sa kanyang ina noon. Mas mahusay itong umarte at magpaikot ng mga tao sa paligid nito.

And worse, ginagawa nitong misyon ngayon ang papaglayuin silang mag-ama upang tanging ito na lamang ang makaka-impluwensya sa kanyang ama.

       “This house is not big enough for both of us, Shebbah. Kaya pagkatapos na pagkatapos ng kasal namin ni Tom, gusto ko lumipat ka na ng bahay. Sumang-ayon sa akin si Tom. Tutal naman beinte-kwatro ka na.

Oras na para maging independent ka. Hindi na tamang hanggang ngayon nakapisan ka pa rin sa ama mo,” ang buong gilas na anunsyo sa kanya ng wicked future stepmother niya nang salubungin siya nito pagbaba niya ng hagdan ng bahay nila.

       Matabang na tinignan niya ito. Sinadya niyang hindi ipakita dito ang pagngingitngit ng loob niya at oo, ang sakit na dulot ng sinabi nitong pagpayag ng ama niya sa ideya nito.

       “In what alternate universe are you living in, Hetty? Dito ako lumaki sa bahay na ito. At bata pa lang ako, ipinamana na sa akin ng lolo’t lola ko ang bahay na ito.

“So you see, kung may aalis man dito, malamang ikaw lang iyon kahit pa matuloy nga kung matutuloy man ang kasal mo kay Dad,” wika niya dito na sinamahan pa ng hanggang taingang ngiti.

       Kung may camera lang sana siya, malamang kinunan na niya ang mukha nitong animo nagta-transform tulad ni Incredible Hulk sanhi ng galit nito.

       “You’re lying! Bahay ito ni Tom! At dito niya ako ititira kapag kasal na kami! I already talked with the interior designers who will redecorate this place!” singhal nito sa kanya.

Ang kaninang puno ng tiwalang ngiti nito, ngayon ay naging puno ng asido nang ngiwi.

She snorted. “Well, that’s your problem, dear future stepmom. Hindi ko na problema iyon. Kung ako sa iyo, pag-iisipan ko munang maige kung itutuloy ko pa nga ang pagpapakasal. Malay mo, lahat na pala ng ari-arian at yaman ni Dad na pinag-aambisyunan mo ay naipasa na niya sa pangalan ko,” aniya.

Kung hindi nga lang kalabisan ay durugtungan pa niya ng nye-nye-nye-nye-nye ang sinabi. She could not hold back the huge grin that spread on her face as she watched the other woman’s growing fury.

‘That’s enough, Shebbah!” dumagundong sa buong sala ang galit na pagsawata sa kanya ng ama niyang pababa ng hagdan.

Obviously narinig nito ang sinabi niya. Pero hindi siya nabahala. Sapagkat alam naman nito ang opinyon niya ukol sa pagpapakasal nito sa babaeng kaharap niya ngayon. Wala siyang tutol kung nais man nitong mag-asawang muli.

Ang totoo, noon pa nga nito dapat ginawa iyon. Ang ina nga niya ang naka-dalawang asawa na mula nang hiwalayan ito. Gusto rin naman niyang lumigaya ito. Pero nasisigurado niyang hindi nito iyon matatagpuan kay Hetty na halos anak

na rin nito sa layo ng agwat ng mga edad nito.

She would not protest if he decided to marry a poor

woman who loves him. In fact, ang bet nga niyang maging stepmom sana ay ang forty-five year old niyang yaya na si Yaya Nancy. Batid kasi niyang matagal nang may lihim na pagtingin sa kanyang ama ang yaya niya.

But a rich, spoiled and greedy socialite like Hetty? Ngayon pa lang alam na niya kung gaano kahaba ang taning ng pagsasama ng mga ito. Anim na buwan! Sobrang ikli para pag-aksayahan pa ng ng panahon ng kanyang ama na paghandaan ng magarbong kasalan.

“Oh, Tom! I’m sorry. I just can’t make her realize that I really love you. Gusto kong magkasundo kami pero siya mismo ang ayaw akong bigyan kahit katiting na tsansa man lang,” wika ni Hetty na lumapit sa kanyang ama at yumakap dito.

Hindi niya itinago ang pag-ikot ng mga mata sa husay nitong umarte. Really, the woman should’ve just tried working in front of a camera!

Tinignan naman siya ng kanyang ama nang matalim.

“I’m disappointed in you, Shebbah. Very disappointed,”

anito sa mababang tono. Nakabakas sa mukha nito ang galit sa kanya.

Pero mas matindi ang latay sa puso niya ng pagkadismayang ihinayag nito. Mas gugustuhin pa siguro niya kung sinigawan siya nito kaysa ganoon. Walang salitang tumalikod na lamang siya.

 She may be rude and bitchy to other people but never to her dad. Kaya imbes na palawakin pang lalo ang nagsisimula na ngang lumapad nilang gap sa isa’t isa, minabuti na lamang niyang lumayo kaysa sagutin ito.