KABANATA 99

Makalipas ang ilang araw, binisita ni Drake ang Garcia Corporation. Masusi niyang sinunod ang mga prosesong kailangan para sa partnership ng Pascual Technology sa kumpanya nila at ngayong araw ay may meeting siya kasama si Mateo Garcia. Dinala siya ng sekretarya nito sa isang maliit na conference room. Pagka-upo ni Drake, pumasok na si Mateo. Muli siyang tumayo.

“Mr. Garcia.”

“Mr. Pascual, please, maupo ka.”

Hindi nag-aksaya ng oras ang dalawa. Agad nilang pinag-usapan ang collaboration ng mga kumpanya nila. Natuwa naman si Mateo sa kapasidad ni Drake at napagdesisyunan niyang pirmahan na ang deal.

“It’s a pleasure working with you,” sabi ni Mateo.

“I’m grateful for your trust, Mr. Garcia. I look forward to a fruitful partnership.”

Gaya ng nakagawian, isang piging ang nakahanda para sa tagumpay ng dalawang kumpanya. “Mr. Pascual, hindi mo ba kami sasamahan mamaya sa dinner?”

“Maraming salamat. Hindi sa hindi ko gustong kumain kasama kayo pero may prior commitment kasi ako