Chapter 28

Allison POV

Bigla akong pinanghinaan ng loob. 

Hindi ko alam kung dahil ba kinakabahan ako o dahil sa narinig kong tawanan sa taas. Paniguradong isa sa mga naroon si Jazzer. Pakiramdam ko ay gusto kong umatras. Kahit yata wala ako sa tabi niya ay masaya na siya, basta kasama ang babaeng iyon.

Hindi kaya na-realize na ni Jazzer na hindi talaga niya ako gusto? Na hindi niya naman talaga ako kailangan. Baka nagkakamali lang siya ng nararamdaman.

"Yiiieee." Bumungisngis si tita Solace. "Nasa taas si Jazzer!" Inginuso nito ang hagdan papunta sa ikalawang palapag. "Kararating lang niya, puntahan mo na lang sa taas." Sinundot-sutdot niya pa ang bewang ko at may halong panunukso ang tingin. Hindi ko maiwasang mapangiti, naalis agad ang lungkot ko.

"Oh, why are you still standing there? Umakyat ka na." Ngumiti sa akin si Kaye Ann.

"S-sige, salamat." Sinulyapan ko muna sila pareho, saka ako tumalikod para maglakad papunta sa