Chapter 33

Allison POV

Naging maayos ang relasyon sa pagitan namin ni Jazzer.

"Happy 2nd anniversary, din." Kinagat ko ang ibabang labi ko.

Inangat ko ang tingin ko kay Jazzer at nangingiting iniabot sa kaniya ang hawak kong box. Tahimik lang niyang kinuha iyon, bagaman bakas ang pagkasabik sa mga mata. 

Nasa kwarto lang kaming dalawa dahil dito ko mas ginustong i-celebrate iyon. Noong nakaraang anniversary kasi namin, gumawa pa siya ng bonggang surprise para sa akin. Humagulgol ako nang makita 'yon dahil hindi talaga ako makapaniwala. Tarantang-taranda tuloy si Jazzer.

Paano ba hindi ako maiiyak? Masaya ako, oo. Pero mas naiiyak ako kapag naiisip kung gaano kamahal ang nagastos niya. Pwede na siyang magtayo ng seven-eleven dahil sa dami ng chocolates! 

Kaya nangako siya sa aking hindi na mauulit iyon. Bukod sa ayaw niya akong makitang umiiyak, magagalit talaga ako.

Ang kinalabasan ngayon, nasa kwarto na lang kami. Solo k