Chapter 38

Allison POV

Lumapit ako sa mahabang lamesa nang makapasok sina Cassandra. Inismiran nila akong tatlo. Lumabi ako, hindi na lang sila pinansin. Nagsimula na kaming kumain. Salad at shrimp lang ang kinuha ko dahil nawalan na ako ng gana. Samantalang si Jazzer ay nakangiti pang pinagmamasdan ako. Sinamaan ko siya ng tingin. Walang hiya ka!

Pagdating ng alas otso ng gabi ay lumabas kaming lahat sa videohall. Excited kaming nag-indian sit sa buhanginan at nagpabilog roon. Si Jazzer ang katabi ko sa kaliwa habang si Kaye Ann naman sa kanan ko. Inabutan kami ni Miguel ng tig-iisang beer.

"Thanks!" masayang sabi ko. 

Pang-anim na gabi na namin dito at bukas ay uuwi na rin kami. Ito talaga ang pinaka-aabangan ko dahil matagal na rin akong hindi nakakatikim ng beer. Kailangan ko pa yatang ma-broken hearted bago makainom nito. 

Madilim ang paligid pero nabigyang liwanag iyon dahil sa mga christmas light na nakadisenyo sa paligid.