CHAPTER 17

ANB-17

PAKIRAMDAM ni Kiara ay naumid s'ya. Ang bilis at lakas ng kabog ng kanyang dibdib. Bigla siyang nakaramdam ng hiya sa harapan nito.

"Ah, about nga pala kahapon, pasensya ka na! Hindi ko naman sinasadya na mag-inom," hindi magkandatutong sabi ni Kiara. Pilit niyang iniiwas ang tingin sa mukha ni Tristan.

"Make sure to be careful next time. Hindi mo alam ang ugali ng mga tao sa paligid mo," malamig at seryosong sagot ni Tristan. Dumiretso ito sa harapan ng ref at naglabas ng beer in can. Naiwan sa malapit sa pintuan si Kiara na nakasunod ang tingin kay Tristan.

"Eh, okay ka lang ba?" nahihiyang tanong ni Kiara rito. Pakiramdam niya ay may bikig sa kanyang lalamunan.

Blangko ang ekspresyon na lumingon sa kanya si Tristan, "Okay lang naman!" Kibitbalikat na tugon nito at tinungga ang laman ng hawak.

"S-Sige, mauna na ako," ani Kiara na hindi na nagawang magsalita ulit sa harapan ni Tristan. Pa-simpleng sinipat niya ang tagiliran nito at napansin na tila wala naman problema rito.