CHAPTER 18

ANB-18

KIARA

MALAKAS ang tibok ng kanyang dibdib sa biglaan at hindi inaasahang pagsulpot ni Gabby sa bahay ni Tristan. Nag-iisa s'ya sa bahay at hindi pa umuuwi si Tristan mula sa trabaho. Ngunit nanatili siyang kalmado.

"So, kung gan'on bakit naririto ka? Hindi ka na dapat nagpunta rito," walang emosyong sabi niya.

Bahagya itong natawa, "Obligasyon ko ang bantayan ka habang wala s'ya rito kaya narito ako. Please, hayaan mo na ako. Pangako, hindi naman ako manggugulo."

"Hindi ko naman kailangan ng bantay. Kaya ko ang sarili ko kaya makakaalis ka na. Bumalik ka na lang kapag narito na si Tristan," At akmang tatalikuran niya ito.

"Kiara," tawag nito sa kanya ngunit hindi ito pinakinggan ni Kiara at ipinagpatuloy ang paghakbang.

"May relasyon ba kayo ni Tristan?" biglang tanong ni Gabby na nakapagpahinto sa kanya. Matagal muna siyang nanatili sa pagkakatayo na hindi ito nililingon. "Pasensya na kung masyado yatang mausisa ako."

"Bakit ako ang tinatanong mo? Akala ko ba nagta-trabaho