Chapter 159.1

Ilang sandali pa ay mabilis na tumango sa kaniya si Lian. “huwag kang mag-alala Annie, naniniwala ako sayo dahil alam ko na talagang gagawin ng babaeng iyon ang lahat.” sabi nito sa kaniya.

“Salamat po Ma.” sabi niya rito.

“Halika, sumama ka sa akin.” sabi nito sa kaniya at tumayo at pagkatapos ay tinungo ang hagdan. Sumunod siya rito hanggang sa mga makarating sila sa pangalawang palapag. Dumiretso ito sa silid ng kanilang yumaong lolo at pagkatapos ay may kinuha sa may cabinet na susi pala, pagkatapos ay dumiretso sa may drawer sa tabi ng kama at binuksan iyon. Inilabas nito mula doon ang ilang dokumento at pagkatapos ay inabot kay Annie. “Alam mo ba kung bakit nila ginagawa ang lahat para kayong dalawa ni Reid ang makasal?” tanong nito sa kaniya.

Mabilis na umiling si Annie. “Bukod po sa gusto niyang gumanti ay wala po akong ideya.” sagot ni Annie rito.

“Sa ugali niyang bulok ay tama ka. Hindi talaga titigil hanggang sa hindi niya nasisira ang pamilya natin.” nag-aapoy ang mga mata