Chapter 139.4

Matapos silang kumain ng barbeque ay marami pa silang street food na kinain at nang mabusog sila ay handa nang umuwi si Annie nang bigla na lamang hawakan ni Lucas ang kamay niya. “Pasok tayo sa loob at tumambay muna tayo doon.” sabi nito sa kaniya.

“Pwede ba tayong makapasok?” salubong naman ang kilay na tanong ni Annie rito.

“Hintayin mo ako at ako na ang bahala.” sabi nito sa kaniya at pagkatapos ay tumalikod ito sa kaniya at lumapit sa gate ng school kung saan ay naroon ang mga guard. Pagkalipas lamang ng ilang minuto ay nilingon siya nito nang may ngiti sa mga labi at kinawayan siya, hudyat na pwede na nga silang pumasok at napapayag nito ang mga guard.

Nang maisip niya ang ginawa nitong dahilan noong huli silang nagpunta doon ay hindi maiwasan ni Annie na magtanong kay Lucas nang tuluyan na siyang makalapit rito. “Ano na naman ang sinabi mong palusot ngayon?” tanong niya rito.

Mabilis naman na ipinilig ni Lucas ang kaniyag ulo at nilingo siya. “Wala ah. Hindi ako nagpalusot at k