Chapter 123.4

Hindi sila umalis doon hanggang sa hindi dumating ang mga pulis. Pagdating ng mga ito ay umalis na sila upang pumunta sa kotse. Nang makapasok sila doon ay kaagad niyang hinanap ang medicine kit sa loob ng kotse ni Lucas at nakita niya rin naman ito kaagad.

Mabilis niyang pinaupo si Lucas at pagkatapos ay tiningnan ang gasgas nnito. “Masakit ba?” tanong niya rito at nag-aalalang tinitigan ang gasgas nito.

Sa katunayan, ang natamong gasgas ni Lucas ay hindi naman ganun kasakit ngunit nang makita niya ang pag-aalala sa mukha nito ay biglang nagbago ang isip niya na sabihin na malayo iyon sa bituka. “Hindi naman gaano.” sabi niya pero nag-akto siyang nasasaktan siya.

“Tiisin mo na lang muna yung sakit at gagamutin ko.” mabilis na sabi nito sa kaniya at sinimulan na nga nitong gamutin.

Umupo lang siya doon at tahimik na hinayaan si Annie na gamutin ang kanyang sugat. Akala niya ay hindi masakit ang gasgas na natamo niya kapag nalagyan ito ng gamot pero nagkakamali pala siya dahil sa s