Chapter Five

"Anong ginagawa mo rito?" tanong ni Karylle.

Agad namang humarap si Harold nang marinig niya ang boses ni Karylle, at si Karylle ay hindi niya pinahalata kay Harold na nagulat at kinakabahan siya sa presenya nito. 

Kumunot ang noo ni Harold, tila nagtataka sa tinanong ni Karylle sa kanya. "Hindi ba ako dapat ang magtanong sa'yo nyan? Anong ginagawa mo rito? Babalik ka ba para sabihin sa akin na kukunin mo na ang villla?" mahabang sabi ni Harold. 

Umismid naman si Karylle dahil sa mga sinabi ni Harold. "May nakalimutan lang ako kaya ako bumalik pero wala akong pakialam sa villa na ito," seryosong sabi ni Karylle at nagsimula na siyang maghanap sa bagay na sinadya niya sa villa...ang kwintas. 

Pinagmasdan lamang siya ni Harold pero hindi pa rin mawala sa isipan nito ang tungkol sa relo na hawak niya na nakita niya sa basurahan sa loob ng kwarto ni Karylle. 

"Ano ito?" biglaan niyang tanong tungkol sa relo. 

Napahinto naman si Karylle sa paghahanap sa kwintas niya nang marinig si Harold, lumingon siya sa lalaki at tumingin sa hawak nito na siyang pinakita ni Harold. 

Tumaas ang isang kilay ni Karylle. "Hindi mo na ba alam kung ano iyan? Relo iyan, Har. Kailangan ko pa bang ipaliwanag kung para saan iyan---"

"Alam mo kung ano ang ibig kong sabihin sa tanong ko. Bakit may ganito sa kwarto mo? Para kanino mo ito ibibigay? Sa lalaki mo?"

Natawa nang mapakla si Karylle sa turan ni Harold, hindi niya inasahan na iyon ang itatanong ni Harold sa kanya. "Ang kapal din naman ng mukha mo na parang sa ating dalawa ay ako ang nagloko? Akin na nga iyan---"

Akmang aagawin niya na sana ang relo nang iniwas agad ito ni Harold. "Sagutin mo ang tanong ko, Karylle! May lalaki ka rin ba habang kasal tayo?!"

Hindi na napigilan ni Harold ang inis niya. Naalala niya ang lalaking kausap ni Karylle kanina habang sinusundan niya ito kaya iyon ang iniisip niya na para sa taong iyon ang relo na iyon. 

Nagulat naman si Karylle dahil sa pagsigaw ni Harold sa kanya, nasanay na siya sa sigaw ng lalaki ngunit hindi niya inasahan na ibang bagay ang dahilan ng galit nito ngayon. Wala siyang maintidahan kung saan nanggaling ang galit ni Harold na siya naman mismo ang pumilit kay Karylle nna maghiwalay sila. 

"Nahihibang ka na ba, Harold? Ang kapal ng mukha mong paratangan ako na may iba akong lalaki kung sa buong buhay ko ay ikaw ang iniisip ko!" Hindi niya na rin mapigilan na sagutin si Harold na pasigaw, tila ay naiinis na siya ng sobra sa dating asawa niya. 

Tahimik lang si Harold, seryosong nakatingin kay Karylle na para bang ayaw maniwala sa mga sinasabi nito. Mas pinaniwalaan niya ang paniniwala niya na may ibang lalaki si Karylle habang sila sa loob ng tatlong taon. 

"Then what the fuck is this?!" sigaw ni Harold na dinuro si Karylle gamit ang relo na hawak niya. 

Walang ibang emosyon si Karylle na pinapakita kay Harold kundi galit. "May dapat ba akong ipaliwanag sa'yo, Harold kung hiwalay na tayo? Bumalik ako rito dahil may naiwan ako, hindi para sagutin ang mga paratang mo na wala namang katotohanan. Ayaw kong magpaliwanag sa'yo, wala na tayo."

Nang sabihin iyon ni Karylle, tinalikuran niya si Harold at nagpatuloy sa paghahanap ng kwintas niya, nahanap niya naman ito sa isang maliit lang na drawer kaya agad niya na iyonng kunuha at nilagay sa bag niya. 

Nakatingin pa rin si Harold sa kanya, pinipigilan ang galit habang nakakuyom ang mga kamao at umigting ang panga. Hindi siya hinarap ni Karylle, diretso lang ito sa paglabas ng kwarto kaya sinundan niya rin. 

"Saan ka pupunta?" tanong ni Harold. 

Huminto si Karylle sa paglalakad at bumaling kay Harold. "Hindi ka pa rin ba tapos? Uuwi na ako sa amin---"

"Sa villa ng lalaki mo." Hindi iyon tanong, kundi isang pahayag na tila ba sigurado siya sa sinasabi niya. 

Kumunot ang noo ni Karylle sa narinig. Dahan-dahan siyang naglakad papalapit kay Harold, nawala ang kaba niya kanina na kaharap si Harold dahil mas lalong nangingibabaw ang inis niya. 

"Are you stalking me?" tanong ni Karylle. 

Bahagyang umiwas ng tingin si Harold. "Why would I stalk you? Nagsasayang lang ako ng oras kung gagawin ko iyon," dahilan ni Harold, at ulit na tumingin kay Karylle na seryoso. 

Umismid lang si Karylle sabay iling ng dalawang beses. Kilala niya si Harold, alam niya kung nagsisinungaling ito o hindi at isa pa, abogado siya. Alam niya ang mga kilos ng mga taong nagsisinungaling pero sa pagkakataon na ito, wala siyang panahon para ipaliwanag ang sarili niya kay Harold dahil wala na sila. 

"Aalis na ako. Kung gusto mo ang relo na iyan, sa'yo na. Tutal, lahat naman ng gamit na nandito sa villa na ito ay sa'yo." 

Iyan ang huling sinabi ni Karylle at tuloyan na siyang umalis ng villa, walang nagawa si Harold kundi pagmasdan lang itong naglalakad palabas. Mas lalo siyang nakaramdam ng galit dahil tila mas lalong lumakas si Karylle kung kumausap sa kanya. 

"I will find out the truth, woman," sabi nito sa kanyang sarili habang nakatingin pa rin sa likd ni Karylle na malayo na sa kanya. 

Galit niyang tinapon ang relo sa pader, hindi naman ito nabasag ngunit may kaunting daplis lamang dahil sa puting pader na tumama nito. Ikinuyon lalo ni Harold ang mga kamao niya at maya-maya kinuha niya ang phone niya at may tinawagan. 

"Follow her from time to time and do not forget to report everything to me," sabi niya sa kausap niya sa kabilang linya. 

"Copy boss," sagot naman ng lalaki sa kabilng linya. 

Sa kabilang banda, habang nagmamanehos si Karylle, hindi pa rin nawala ang galit niya kay Harold dahilan para maiyak siya. 

"You're fucking an assole, Har. Ang kapal ng mukha mong paratangan ako sa bagay na ikaw mismo ang gumawa!" sigaw niya. 

Mabilis ang pagtakbo niya sa kotseng dala niya, tila nawawalan siya ng kontrol sa sarili niyang emosyon.