Chapter Six

Pagkarating na pagkarating ni Karylle sa villa niya, nagmamadali siyang lumabas ng kotse at sinara niya pa ito nang malakaks kaya nagulat ang dalawang katulong niya na nasa parking lot. Naglakad si Karylle papasok sa loob ng bahay niya, at akmang lalapitan na sana siya ng head ng mga maids niya nang hindi niya ito pinansin dahil dumiretos siya sa loob ng opisina niya at malakas niya rin' sinara ang pintuan nito. 

"I hate you!" sigaw niya sabay iyak nang malakas. At dahil do'n nagwala siya, galit niyang inalis ang mga gamit niya sa kanyang lamesa sa opisina. Wala pa rin ang tigil niya sa pag-iyak hanggang sa napatingin siya sa picture frame na nasa isang shelves. Ang picture nilang dalawa ni Harold noong araw ng kasal nila. Dahan-dahan siyang naglakad papalapit sa bagay na iyon at kinuha, humikbi siya at dahan-dahan ding hinaplos ang litrato. 

"Sobra kitang minahal, umabot na sa punto na iniwan ko ang lahat pati ang career ko para lang makasama ka. At kahit na alam ko na dati pa ay hindi mo ako mahal, hinding-hindi mo ako magugustuhan, I did everything para matuloy ang kasal natin....I did everything for you, Harold."

Pagkatapos niyang sabihin iyon, binasag niya nang malakas ang picture frame at umiyak lalo. Pumikit siya nang mariin, inaalala ang nakaraan.

Flashbacks***

"Handa ka na ba na makilala ang mapapangasawa mo?" tanong ng ina ni Karylle. Ngumiti lang si Karylle at tumango. 

Kilala niya ang sinabi ng magulang niya na mapapangasawa niya. Paanong hindi niya makikilala kung ang lalaking iyon ay matagal niya ng gusto. High school pa lang ito ay crush niya na ang binata, hindi niya inasahan na ito rin ang ipapa kasal ng kanyang magulang sa kanya. Noong una ay ayaw niyang pumayag dahil hindi niya gusto ang ideya na ipakasal sa sa lalaking hindi niya mahal at mas lalong hindi niya pa kilala; pero noong pinakita ng magulang niya kung sino, hindi siya nagdalawang isip na sundin ang magulang niya. 

Abogado na siya sa mga panahon na iyon, pero kahit na may sarili siyang career at buhay ay hindi pa rin mawawala na hindi niya pwedeng sundin ang magulang. 

"Tara na?" anyaya ng kanyang ina. 

Nasa harap na sila ng bahay ng pamilya ng lalaking papaksalanan niya. Halo ang nararamdaman ni Karylle sa araw na iyon, kaba at saya. Iniisip niya na kung magugustuhan ba siya ng binata. 

Nang makapasok sila sa loob ng malaking bahay, agad silang binati ng pamilya. Ang mag-asawang Sanbuelgo at ang dalawa nitong anak na sina Harold at Harry. Si Harry ang bunsong anak, at si Harold naman ang panganay na anak. At siya rin ang lalaking papakasalan ni Karylle. 

Nagpakilala sila sa pamilya ni Karylle hanggang sa napag-usapan na nila sa sala ang tungkol sa partnership ng negosyo nila at pagpapakasal nina Karylle at Harold. 

Nagulat si Karylle nang hindi umapela si Harold, dahil buong akala niya ay tatanggi ito sa kagustuhan ng magulang nito ngunit hindi. Pumayag siya sa kasunduan at dahil do'n natuloy nga ang kasal nilang dalawa sa kasunod na linggo. 

At dahil din sa kasal na iyon, sinuko ni Karylle ang career niya bilang abogada. Ngunit sa pagsasama nilang dalawa ng mga bagong buwan pa lamang ni Harold sa sarili nilang villa, napapansin na ni Karylle na hindi maayos ang pakikitungo ni Harold sa kanya. Si Karylle lamang ang nagpapakita ng kagustuhan. 

Hanggang sa umabot ng dalawang taon, nalaman ni Karylle na may ibang babae si Harold---iba't ibang babae. Ininda niya iyon, hindi niya pinapahalata na nasasaktan siya dahil nangako siya sa sarili niya na hinding-hindi makikita ni Harold na mahina siya. At dumating ang pangatlong taon ng pagsasama nila, pinakilala ni Harold sa kanya mismo si Adeliya bilang girlfriend---ang pinsan ni Karylle. Hindi na nagulat si Karylle nang malaman iyon dahil nagpapadala na ng mga litrato si Adeliya sa kanya; litrato nilang dalawa ni Harold. At nang maaksidente si Adelita, na-coma ito ngunit bago pa siya ma-coma, alam ni Karylle na nangako si Harold kay Adeliya na papakasalanan siya nito.

Pero dahil din sa nangyari, bumalik si Karylle sa career niya ngunit palihim lang. Hindi alam ni Harold ang totoong buhay niya kapag hindi sila magkasama.

Buong buhay ni Karylle na kasama si Harold, tiniis niya ang lahat."

END OF FLASHBACKS.

Lumabas si Karylle sa kanyang opisina na parang walang nangyari, hindi naman siya tinignan ng kanyang mga maids dahil ayaw nilang magalit si Karylle. Kilala nila si Karylle kung magalit at ayaw din nito na pinapakialaman siya. 

"Manang, please clean my office. Siguraduhin ninyong nawala na lahat ng kalat sa loob," utos niya, at saka pumasok sa loob ng kwarto niya. 

Naligo siya at pagka bagsak ng tubig sa kanyang katawan ay tila guminhawa ang kanyang pakiramdam. Nakapikit ang kanyang mga mata habang dinadama ang agos ng tubig na nagmumula sa shower. Pumapasok pa rin sa isipan niya ang tungkol sa kanila ni Harold. 

"Bakit hanggang ngayon nagdudusa pa rin ako dahil sa pagmamahal ko sa'yo?" mahina niyang sabi sa kanyang sarili. 

Nang matapos siyang maligo, agad na siyang lumabas ng banyo at dumiretso sa walkin-closet. Pagkakita niya sa cabinet kung saan nakalagay ang dati niyang mga damit at naroon ang dalawang dress na sinuot niya noong araw ng kasal nila ni Harold. Ngumiti siya nang mapait. 

"I can't believe it na ako lang ang nagagandahan sainyo. Am I that desperate three years ago?" tinanong niya sa kanyang sarili. 

Hindi pa rin mawala sa isipan niya ang lahat na para bang ngayon lang nag sink-in sa isipan niya ang mga bagay-bagay. Naalala niya rin ang divorce agreement na si Harold mismo ang unang pumirma. 

Natawa siya nang mapakla. "I guess, this is the right thing to do. Accepting the fact that he will never love me and he will never come back to me. Dahil simula pa lang naman, hindi niya na naisip na manatili sa akin at mahalin ako. Thanks to Dad and Mom, they brought me in this situation na nagpalakas lang sa akin ng sobra."

Kinuha niya ang dalawang dress, lumabas ng kwarto at lumapit sa isang katulong na nasa malapit sa kanya. ibinigay niya ang dalawang dress at sinabi, "Sunogin niyo ang mga ito."