Chapter 174 - Already In A Relationship

"Are you... Mr. Ryle?" Tanong ni Caroline. Sinalubong nito ang kakarating lang na bisita.

Umamo ang mukha ng lalaki. "Opo, ako nga."

Napatingin ang lahat ng bisita rito at pare-parehas na gumuhit ang pag-aalala sa kanilang itsura. Maging si Daniel ay nakaramdam din ng panliliit nang makita ang lalaki.

Ito si Ryle Lucero, young master na nagmula pa sa Laguna. Kilala na ito ng halos lahat ng pamilya sa upperclass sa buong bansa. Sikat ito sa larangang boxing kaya kilala rin ito maging sa ilang karatig na bansa.

"Pasensya na kung medyo na-late kami," paghingi nito ng paumanhin.

"It's fine, don't worry about it. Actually ay kakarating lang din ni Kina kaya halos... sabay lang kayo."

Naramdaman ng ilan na parang mas pinapaboran ni Caroline ang presensya ni Ryle. Nabalitaan nilang nag-abot ng tulong ang pamilya Lucero sa pamilya Alanis ng tatlumpung libong dolyar na siyang pinakamataas na donasyong natanggap ng pamilya upang isalba ang pabagsak nilang kumpanya. Bukod pa roon ay nag-alok din