Chapter 173 - Kina's Visitors

Nagkatinginan muna si Luke at Kina saglit sa isa't-isa. Makikita ang pag-aalala sa mata ni Kina.

"H-he's—"

"Nandito ako dahil pinapunta ako ni Lord Javier. Nagkataon lang na nakasabay ko papunta rito si Ms. Alanis." pagsisinungaling ni Luke, pinutol ang pagsagot ni Kina.

"At bakit naman papapuntahin ka pa ni dad nang ganitong oras? Sinong niloloko mo?" Nameywang si Caroline matapos sabihin iyon. Pilit naman itong pinapakalma ni Ferdinand.

"Who is he? Paanong kakilala siya ni Lord Javier?" takang tanong ng isang bisita.

"I thought for a moment na personal assistant siya ni Ms. Alanis that's why they arrived at the same time." saad naman ng isa.

"Don't be ridiculous. Sa gandang 'yan ni Ms. Alanis ay lalaki ang kanyang magiging personal assistant?" natatawang ani naman ng isa pa.

Naputol ang bulungang iyon nang isang mahina pero maawtoridad na boses ang pumailanlang sa bulwagan. Boses iyon ni Javier. "Pinapunta ko nga siya ngayon at bisita ko siya. You have no right to shout at him." wik