Tila nagpapacute pa si Andrie habang tinitingnan si Luke sa pamamamagitan ng pagkurap-kurap ng mata nito. Iritableng mahinang siniko ito ni Luke upang lumayo ito sa kanya.
"Anong sinabi ni Andrie? Ipapanalo ng lalaking 'yan ang pangkat nila?" tanong ng isang varsity player. "Iyon ba ang pagkakasabi niya?" Pinagmasdan ng isa pang varsity player si Luke. "But he doesn't look like a volleyball player to me. Ni mukhang hindi nga ata siya interesadong maglaro." "Siya na ba ang pambato ninyo?" Napatingin silang lahat sa isang varsity player na siyang pinakamatangkad sa lahat ng mga kasama nito. Ang pangalan nito ay Nicolo Robio, ang pinakamagaling na hitter o attacker ng kanilang team. Sumikat ito dahil sa napakataas nitong paglundag at malakas na pag-spike ng bola. Iilang propesyonal lang ang nakakagawang saluhin ang mga atake nito. Ito rin ang tumatayong kapitan ng kanilang pangkat at kakilala rin ito ni Oliver kaya madali lang para kay Oliver na i-recruit ang team nila. Lumapit si Nicolo kay Luke. Hanggang balikat lang nito ang tangkad ni Luke kaya kinailangan niya pang tumingala masabayan lang ang tingin nito. "Anong kalokohan 'to Oliver? Hindi mo naman sinabi na mga sisiw lang pala ang kalaban natin. Gumawa ka nalang sana ng sarili mong pangkat at kahit si Allen nalang ang ni-recruit mo sa amin." mayabang na sambit ni Nicolo. Ang tinutukoy nitong Allen ay ang isa pang hitter ng kanilang pangkat. Lumapit si Oliver sa kanila. "Don't look down on this dude. Hindi mo pa kilala kung sino ang lalaking 'to." makahulugang wika nito na ikinakunot ng noo ni Nicolo. "Talaga? Volleyball player din ba ang isang 'to?" Nagkibit-balikat si Oliver. "Ang rason kung bakit ko kayo ni-recruit ay dahil sa kanya. Mag-ingat pa rin tayo at isigurado ang ating panalo. I only want to beat this guy." Magkahalong pagtataka at pagkamangha ang nasa itsura ng mga nakarinig ng sinabi ni Oliver habang pinagmamasdan nila si Luke. Alam nilang hindi nagbibiro si Oliver. Meron nga ba talagang ibubuga si Luke laban sa kanila? Talaga bang isang mahusay na manlalaro si Luke? Tuwang-tuwang tumango-tango naman si Andrie. Doon lang sila nagkasundo ni Oliver. Lumapit ito kina Isaac. "Sinabi ko naman sa inyo na magtiwala lang tayo kay Luke. Kahit nga mismo si Oliver ay takot sa kanya." Humalakhak nang malakas si Oliver nang marinig ang sinabi ni Andrie. "Sinong nagsabi sa'yong natatakot ako sa kanya? We both know what he's capable of. Of course ay kailangan kong paghandaan ang laban naming ito. Hindi ang pustahan nating dalawa." Naningkit ang mata ni Luke nang maintindihan ang nangyayari at kung anong tunay na intensyon ni Oliver. Naalala niya ang pagbabanta noong ginawa nito pagkatapos ng nangyaring laban nila sa mansyon ng pamilya Alanis. Dahil hindi umubra sa kanya ang martial arts nito ay gusto siya nitong talunin sa ibang bagay. Marahil ay ginawa lang nitong paraan ang pustahan nila ni Andrie upang makalaban siya. Napredikta na nitong isasali siya ni Andrie sa pangkat nila. Pero volleyball? Tingin ba ni Oliver ay interesado si Kina sa kung sino ang mas mahusay sa kanila sa volleyball o sa anumang sports? Bukod pa roon ay panalo na siya sa puso ni Kina. Wala nang silbi ang pakikipagkompetensya nito sa kanya. "W-what? So you challenged me para lang kalabanin si Luke?" tanong ni Andrie nang maunawaan din ang ibig sabihin ni Oliver, naguguluhan ang ekspresyon ng mukha nito. "Ipinusta mo ang mustang mo kahit na si Luke ang kalaban mo?" Tumawa si Oliver. "Oh Andrie, you think highly too much of your master. He might be good at martial arts, but it's impossible for him to excel at everything. Take note of that." Tinapik-tapik nito sa balikat si Andrie. "Magaling sa martial arts ang lalaking 'to?" sabat na tanong ni Nicolo. Tumango lang si Oliver. "Really? What club?" usisa rin ng isa pang varsity player. "Hindi n'yo na kailangan pang malaman. He's just an... ordinary Martial Artist." pagtatapos ni Oliver ng usapan. Gustong matawa ni Luke. Hindi pa rin matanggap ni Oliver na natalo niya ito sa kanilang laban. Sa kabila ng ipinakita niya ritong husay ay ordinaryong martial artist pa rin ang turing nito sa kanya. 'Maswerte ka. Sa'yo muna ang larong 'to.' sambit niya sa kanyang isip habang nakaismid na pinagmamasdan si Oliver. Kung seseryosohin at ipapanalo niya ang larong ito ay magmumukha lang kahiya-hiya si Oliver. Pupunain sana ni Andrie ang sinabing iyon ni Oliver pero dumating na si Novelito kasama ang referee. Lahat sila ay natahimik at magalang na binati si Novelito. Hinipan nito ang pito at sinenyasan silang pumagitna sa court kasama ang kani-kanilang pangkat. "Nandito na ba lahat ng kalahok?" pasigaw na tanong nito habang sinisiyasat ang dalawang pangkat. Napataas ang isa nitong kilay nang makitang kakampi ni Oliver ang varsity players samantalang mga taga-BSBM lang ang sa kabilang panig. 'Anong kalokohan 'to? Varsity players laban sa BSBM students?' takang tanong nito sa isip. Nailing-iling ito. Gayunpaman, hindi na nito pinuna pa iyon. Ipinaliwanag nito sa kanila ang rules ng laro at kung ilang grado ang kanilang makukuha. Napabuntong hininga nalang si Isaac nang malaman na wala silang makukuhang grado sakali mang matalo sila. Sa bawat estudyanteng lalahok sa sports event ay mabibigyan lang ng isang pagkakataong maglaro sa gusto nilang sports. Manalo o matalo man sila sa napili nilang laro ay iyon na ang pagbabasehan ng kanilang grado sa buong semestre. "This is fucking annoying," inis na bulong ni Isaac habang nakatakip ang isang palad sa mukha. Agad namang dumistansya si Andrie dito at dumikit kay Luke. "Mananalo naman tayo, hindi ba?" "Hindi ko alam." tugon lang ni Luke kay Andrie. Nanlaki ang mata ni Andrie. "P-paanong hindi mo alam?" Nagkibit-balikat si Luke bago tumugon. "Sinabi ko naman sa'yo kaninang hindi ako marunong maglaro, hindi ba?" Tuluyan nang bumagsak ang balikat ni Andrie dahil sa sinabi ni Luke. Talaga bang seryoso si Luke sa sinabi nito kanina? Pero bakit nito naisipang maglaro ngayon?Nag-umpisa ang laro, best of five ang laban. Kung sinong unang makatatlong panalo ng set ay siyang tatanghaling panalo sa buong laro. Pero malinaw naman para sa karamihan na ang pangkat nina Oliver ang mananalo.Todo hiyawan ang mga estudyanteng nanonood. Ang ibang nanonood ng badminton at table tennis ay nagsilipat ng pwesto sa tapat ng volleyball court. Halos kasinglaki lang ng stadium ng basketball ang stadium na kinaroroonan nila ngayon. Pinagkasya roon ang badminton, table tennis at volleyball."Anong meron?" takang tanong ni Jackielyn nang mapunang nagsisilipat ng pwesto ang ilang estudyante. Tumanaw ito sa mga nagkukumpulan sa may volleyball court.Tumanaw din doon si Kina at agad na napako ang tingin nito sa isang lalaking nakasuot lang ng simpleng pares ng t-shirt at pantalon. "Luke?"Kasali rin si Luke sa sports event?"Hindi ba't mga varsity players sila?" Namimilog ang matang ani ni Jackielyn sa kinikilig na boses. Niyugyog pa nito ang balikat ni Kina. Nahinto rin agad ito
Napagdesisyunan ni Luke na umalis. Dahil sa wala na rin naman doon si Kina ay wala nang punto pang maglaro. Wala rin namang klase ngayon kaya bibisitahin niya nalang muna siguro ang kanyang kumpanya. Marami pa siyang hahabuling pagsasanay. Si Alona nalang muna ang bahalang magbantay kay Kina."Saan ka pupunta?" takang tanong ni Andrie. May pag-aalala sa mukha nito."Medyo hindi maganda ang pakiramdam ko. Mukha atang hindi na ako makakapaglaro. Humanap nalang kayo ng papalit sa'kin."Nagsilaglagan ang balikat nina Andrie samantalang nagsitawanan naman ang pangkat ni Oliver."What a loser. Tumaas pa man din ng tingin ko sa'yo kanina nang binalaan kami ni Oliver sa'yo." nakaismid na sambit ng isang kakampi ni Oliver."Martial Artist my ass," Dumura pa si Nicolo matapos sabihin iyon. Nakasabit ang mga kamay nito sa net. "Anong klase naman ng martial arts ang inaaral mo? Nagsasanay kung paano hindi ilagan ang atake ng kalaban?" pang-aasar nito. Nagsitawanan ang mga kasamahan nito maliban k
Two-zero ang puntos, pabor sa pangkat ni Oliver. Sa kanila ang bola at sila ang magsi-serve. Si Oliver ang setter ng kanilang pangkat kaya nakapwesto ito sa kanang tabi ng libero. Ito rin ang kasalukuyang nagsi-serve. Outside hitter naman si Nicolo samantalang opposite si Allen.Sa pangkat naman ni Luke, siya ang nagsisilbing outside hitter na nakapwesto sa kaliwa ng kanilang libero na walang iba kung hindi ay si Andrie. Si Andrie lang din mismo ang nagtalaga sa kanyang sarili na maging libero ng kanilang pangkat. Hindi dahil sa siya ang pinakamahusay na tactic maker sa kanila, kung hindi sa siya ang lider ng kanilang pangkat. Ang ganda ng basehan hindi ba?Setter ang isa sa ni-recruit ni Andrie at ang isa naman ay opposite. Si Jonas ang nagsisilbing middle blocker at si Isaac naman ang katabi nito sa kanan. Hindi katangkaran si Jonas upang maging blocker, pero iyon ang napag-usapan nilang posisyon: posisyong kamote.Sinong may pake? Hindi naman sila mga propesyonal na manlalaro. Ni w
Malakas na hinampas ni Luke ang bola habang nakasuspende siya sa ere. Lahat ay may pigil lang na hininga habang nakatingin sa pagtama ng kanyang kamay sa bola. Tila nag-slo-mo pa ang pangyayaring iyon sa kanilang paningin dahil sa kanilang sobrang pagkabigla. Ang kaninang lalampa-lampa ay hindi nila akalaing napakataas palang lumundag!Dahil sa sobrang pagkabigla nina Nicolo at buong pangkat nito ay hindi agad nakakilos ang mga ito. Ni hindi man lang nag-abalang gumalaw ang mga ito nang puntong lumipat na sa kabila ng net ang bola. Lahat sila ay nakasunod lang ang tingin sa paglapag ni Luke."I-imposible!" gulat na reaksyon ni Nicolo. Siya na ang pinakamataas na tumalon sa kanilang pangkat at aminado siyang nahigitan iyon ni Luke.Pumito ang referee. Itinaas nito ang dalawa nitong kamay habang ang mga palad ay nakaharap sa sarili nito. Ibig sabihin lang niyon ay bumagsak sa labas ng linya ang bola. Puntos pa rin iyon ng pangkat ni Oliver."Mukha atang wala akong kontrol sa pag-spike.
Nakita niya nalang na umangat sa ere ang bola at papunta pa rin ang direksyon niyon sa kanilang setter. Tinangka nitong baliktarin ang pagpapadulas ng kamay sa pagtanggap ng bola pero muli na namang binaliktad ni Oliver ang direksyon ng ikot niyon kaya mabilis na tumalbog iyon nang pahalang pakaliwa. Tsansa na sana iyon ni Luke upang buhayin ang bola pero inabot iyon ni Andrie kaya tumalbog iyon paitaas diretso palabas ng court.Napakamot nalang si Luke sa kanyang ulo. Seven-zero na ang score. Hindi siya nababahala dahil matalo man sila ay unang set palang iyon at may apat na set pa. Pero wala siyang balak na ipatalo iyon. Ayaw na niyang paabutin pa ang laro sa ikaapat na set. Ilang ikot pa bago siya mag-serve. Siguradong hindi gugustuhin nina Oliver kapag siya na ang mag-serve.Pumito ang referee at ang kanilang setter na naman ang tumanggap ng serve ni Oliver. Nagawa ng setter na matanggap ang bola at maipalobo iyon pero palabas pa rin ang direksyon niyon. Sa tingin ng ilan ay punto
"Look how happy he is." nakangising sambit ni Alona habang nakatingin kay Luke. Kasama ito ngayon nina Kina.Hindi nagbago ang masayang ekspresyon sa mukha ni Kina. Nakasunod lang ang kanyang tingin kay Luke. Masaya siya dahil sa ibinalita ni Alona sa kanya.Nang palabas na sila ng gate ng stadium ay saktong nakasalubong nila si Alona. Tinanong sila nito kung saan sila pupunta at gaya nga ng naging rason niya kay Jackielyn ay iyon ang sinabi niya kay Alona. Nabigla nalang siya nang hilahin siya nito papunta sa likurang bahagi ng stadium kung saan walang makakarinig sa kanila.Inamin sa kanya ni Alona ang tungkol sa nararamdaman ni Luke para sa kanya. Pati ang pagkakabasa nito sa kanyang diary ay nabanggit din nito kaya hindi na siya nakapagsinungaling pa tungkol doon. Nalalagay lang na parehas sila ni Luke ng nararamdaman sa isa't-isa kung ganoon.Nalaman niya ring kaya tinanggap ni Luke ang trabahong inalok ng kanyang lolo ay dahil sa gusto talaga siya nitong protektahan, dahil sa ma
Sa hudyat ng referee, nag-serve ang kakampi ni Oliver. Hindi nalalayo ang kalakasan niyon sa mga kakampi nito. Maswerteng maayos iyong natanggap ni Jonas kaya nag-set si Andrie para kay Luke."Ikaw nang bahala Luke!" mahinang bulalas nito.Paglundag ni Luke ay tiningnan niya saglit ang posisyon ng pangkat nina Oliver. Napangisi siya nang makitang mukhang nasa likod lahat ang atensyon ng kanilang depensa. Dahil doon ay mahinang spike lang ang ginawa niya at pinasabit iyon sa itaas ng net kaya paglipat ng bola sa kabila ay diretso lang iyong bumagsak sa unahan nila.Napasampal sa noo si Nicolo. Simpleng trick at mga propesyonal sila, nagawa ni Luke na magulangan sila gamit iyon. Nagmukha silang tanga nang puntong iyon. Malaking kahihiyan iyon para sa kanilang pangkat.Pumito ang referee, puntos iyon nina Luke. Napangiti siya nang ipasa sa kanya ang bola. Siya na ang magsi-serve. Saglit niya iyong pinagmasdan at pinakiramdaman."Get ready guys, kahit malaki ang lamang natin ay may tsansa
Kasama ang lalaki ay bumalik sa court si Novelito. "Mr. Sullivan wants to play on your side. Okay lang ba sa inyong siya ang isali ninyo?"Pare-parehas silang napatingin sa lalaki at parehas na may gulat na reaksyon si Luke at Oliver."Zeo?" usal ni Luke. Anong ginagawa niya rito?"No thanks, papunta na ang mga ka-teammate namin. Hindi namin kailangan ng random na kakampi.""No, wait. We actually need someone like him." Lumapit si Oliver kay Zeo, tila nangangaral ang mata nito. "Bagong lipat ka lang din ba, Mr. Sullivan?"Ang tanong na iyon ni Oliver ay may ibang ipinapahiwatig. Iniisip nitong lumipat din si Zeo sa paaralang iyon dahil sa pareho nilang dahilan.Tumango lang si Zeo. Hindi ang mismong tanong ni Oliver ang tinugon nito kung hindi ang isa pang tanong sa likod niyon. Nandito nga ito dahil sa gusto rin nitong makipagkompetensya para sa pag-ibig ni Kina.Lumikot ang mata ni Luke. Naintindihan niya ang pinag-uusapan ng dalawa. Ibig bang sabihin ay tama nga ang kanyang hinalan