A NIGHT TO REMEMBER WITH THE CEO Chapter 30

Nang sumapit ang gabi, hindi pa rin mapanatag si Maria. Ilang oras na siyang nakahiga, titig na titig sa kisame ng silid na tila naging saksi sa lahat ng kanyang mga pagdurusa. Paulit-ulit sa kanyang isipan ang bawat salitang binitiwan nina Roland at Rowena. "Ang tanga-tanga mo, Maria," ang malamig na halakhak ni Roland ay tila hinuhugot ang lahat ng natitirang pag-asa sa kanyang puso. At si Rowena, na matagal niyang itinuring na kaibigan, ay mas malala pa ang ginawa—pinagtaksilan siya ng higit pa sa kaya niyang isipin.

Naghahalo sa kanyang dibdib ang galit, poot, at pangungulila. Isang mapait na katotohanan ang kanyang tinanggap—wala na si Roland, wala na rin si Rowena. Dalawa sa mga taong pinagkatiwalaan niya, mga taong akala niya ay kaibigan at minamahal siya, ay kapwa naglaho na parang bula.

Pero alam niyang hindi siya maaaring magpatalo sa sakit na nararamdaman. Kahit pa parang bumabagsak ang buong mundo sa kanyang paligid, kailangan niyang bumangon. Kailangang magpatuloy.

Kinabu