A NIGHT TO REMEMBER WITH THE CEO Chapter 33

Naisipan ni Maria na huwag nang kausapin si Kean, baka malaman pa nito na siya ay nagdadalang-tao. Baka hindi naman niya ito maalala at namumukhaan siya. Kaya't nagkibit-balikat na lang siya. Nagpokus na lamang siya sa kanyang trabaho at hindi na ininda ang mga nangyari. Sa araw ng anibersaryo at engrandeng selebrasyon ng Klean RTW, hindi maiiwasan na maging bahagi ng programa si Maria bilang isa sa mga pinaka-maaasahang staff ng tindahan.

Sa gitna ng mga palakpakan at masiglang pagdiriwang ng anibersaryo ng Klean RTW, tila kay Maria huminto ang oras. Ramdam niya ang bigat ng bawat hakbang papunta sa entablado, hindi lamang dahil sa kanyang sitwasyon kundi sa pagkakatitig ng mga matang tila bumabalik sa isang nakaraan na pilit niyang tinatakasan.

Si Kean, nakaupo sa harapan kasama ang iba pang mga executives, ay abala sa pakikipag-usap ngunit nang magtama ang kanilang mga mata, parang lahat ng tunog sa paligid ay nawala. Ang mga taong nag-uusap, ang mga ilaw na nagniningning, lahat ay