A NIGHT TO REMEMBER WITH THE CEO Chapter 29

Nang matauhan si Maria, hindi pa rin siya makapaniwala sa nangyari. Tumayo siya mula sa kama at mabilis na nagbihis, ang bawat galaw ay mabigat, parang may dinadalang sakit. Tumitig siya sa limpak ng pera na iniwan ni Kean sa ibabaw ng kama. Walang galang, walang malasakit. Para bang ang buong gabi ay isa lamang transaksyon. Isang sandaling tinuring niya bilang espesyal, ngunit para kay Kean, tila isa lang iyon sa mga bagay na maaari niyang bilhin.

Sa kabila ng lahat ng nangyari, si Maria ay nanatiling tulala. Ang mga luha na kanina pa umaagos ay tila natuyo na. Ang kanyang isip ay gulong-gulo, at ang bawat tibok ng puso niya ay puno ng sakit at galit. Kung hindi dahil kay Roland, sa taksil niyang nobyo, hindi siya mapapahamak nang ganito. Ang dangal na matagal niyang iningatan ay nawala na—at sa isang estrangherong hindi niya kilala pa!

"Papaano na ako ngayon?" bulong niya sa sarili habang tinititigan ang sahig. Hindi niya maiwasang maalala ang mga ngiti at matatamis na salitang bini