All Chapters of Entangled With The Mafia : Chapter 1 - Chapter 10

AISYNAHAgad kong binuksan ang aking pouch pagpasok ko ng banyo. Ako lang mag-isa rito dahilan para mapangisi ako. “Ang daming tao sa labas!” wika ko sa harap ng salamin habang tinitigan ang aking repleksyon.Ngayon lamang ako ulit nakapasok ng Club pagkatapos ng halos dalawang taon. Paano eh ngayon pa lang umuwi si Dana—siya lang naman ang tanging umaaya sa akin na mag-Club. Nilabas ko na ang aking matte lipstick, powder, at tissue sa pouch. Pinunasan ko muna ang aking mukha na puno na ng pawis at inaplayan ko rin agad ng powder. Kinuha ko na pagkatapos ang lipstick at nilagyan ang aking mga labi.Tinitigan ko ang aking sariling repleksyon sa salamin. Pula na ang aking mukha at medyo magulo na ang aking nakalugay na maalong buhok, tumatakas na rin ang aking mga baby hair sa may noo. Nagpakawala ako ng buntong hininga at naghanap sa pouch ng matatali sa aking buhok, napangisi naman ako pagkatapos makita ang isang itim na sanrio. Kinagat ko ito at dahan-dahang inipon at inayos ang aki

Pinilit ako ng mga police na umuwi na at kahit mabigat sa pakiramdam ay wala naman na akong nagawa kung hindi ay sundin na lang sila at ipaubaya na muna sa kanila ang paghahanap sa aking kaibigan.Malapit ng sumibol ang araw nang makauwi ako sa apartment ko. Agad akong umupo sa sofa rito sa aking maliit na sala at tumulala. Bumalik sa aking ala-ala ang mga nangyari kanina. Naramdaman ko naman agad ang pag-init ng sulok ng aking mga mata.Kahapon lang ng umaga noong sinurpresa ako ni Dana rito sa apartment ko at nag-party kami agad kagabi. Paanong umabot sa ganito ang lahat? Hindi kailan man pumasok sa isip ko na matagpuan ang aking sarili sa gitna ng isang gulo. Lalong hindi pumasok sa isip ko na masaksihan ang gulo ng organisasyon ng mga mafia. Paano ko hahanapin si Dana? Malakas ang loob ko na buhay siya. At sa tingin ko ay sinama siya ng matandang lalaking kasayaw niya bago nangyari ang gulo, nasisiguro ko ring ang matandang iyon ang Guevano na tinutukoy ng mga estrangherong iyon.

“Kilala mo ba sila?”Napatingin ako kay Mr. La Peña nang itanong niya iyon. “S-Sila iyong mga lalaking nagdala ng gulo kagabi,” sagot ko at tinignan muli ang litrato ng mga estranghero kagabi.Kahit litrato lamang ang nakikita ko ngayon ay hindi ko pa rin maiwasang makaramdam ng takot dahil sa mapanganib nilang mga mata.Binasa ko isa-isa ang mga pangalan nila. Dancel pala ang pangalan no'ng lalaking pamilyar, Dancel Hernandez. Hindi ko pa rin matukoy kung saan ko ito nakita noon basta ang alam ko nakita ko na ito.Tinignan ko naman ang litrato ng lalaking pula ang buhok, nakangisi ito ng nakakaloko sa litrato. Lucas Ardiente naman ang kanyang pangalan niya.Ibinaling ko naman ang aking tingin sa katabi nitong litrato, ito naman ang lalaking sumipa sa pinto—si Rafael Tarano.Nang makita ko naman ang litrato ng lalaking mahaba rin ang buhok tulad ng boss nila ay napangiwi ako agad dahil wala ang tattoo nito sa mukha.Tumingin ako sa dalawang matanda. “Hindi ata kayo na-update na may ta

Hindi ko magawang kumurap. Kahit hindi ko na masyadong naaaninag ang mukha ng lalaki ay parang may kung ano pa ring nagpipigil sa akin na putulin ang aming tinginan.“Ikaw ba si Abegail?”Nawala lamang ang aking tingin sa pwesto ng mga estranghero nang may lumapit sa akin na lalaking nakapormal ang suot at naka-shade. Kumunot ang aking noo na tinignan ito pero agad ko rin naalala ang aming plano.“Ako nga,” sagot ko rito.Tumango naman ito at tumingin sa pwesto ng matanda, sinundan ko ang kanyang tingin at nakita ang matanda na tumango sa amin. Tumaas ang aking mga balahibo sa takot na aking nararamdaman at wala sa sarili akong napalingon sa direksyon ng mga estranghero.Nagulat naman ako nang hindi ko na sila makita pa. Inikot ko ang aking mga mata pero dahil sa magulong mga ilaw ay tuluyan ko na silang hindi nakita.“Sumama ka sa akin,” wika ng lalaking nasa aking harapan at nagsimula na maglakad paalis.Sa mabibigat na mga hakbang ay pinilit ko ang aking sariling sumunod dito. “Kaya

Wala sa sarili akong lumabas ng Club.Inikot ko ang aking mga mata at bumilis ang pintig ng aking puso nang makita ang van sa hindi kalayuan. Tumakbo agad ako papunta doon dahil sa pagkasabik na aking naramdaman at pagkarating ko ay bumukas agad ang back door nito.Pero natigilan ako at agad humupa ang pagkasabik na aking naramdaman nang makita ang bigo at sugatang hitsura ng aking mga kasama. Kusang tumulo sa aking pisngi ang mainit na likido mula sa aking mga mata.“Nasaan ang kaibigan ko?” tanong ko kahit alam ko na ang posibleng sagot.Bumuntong hininga lamang ang lalaking leader ng grupong ito at iniwas naman ng iba ang kanilang tingin sa akin. Doon ko lamang napansin na kulang sila. Hinanap ng aking mga mata ang babaeng maganda na nakausap ko kanina sa dressing room.“B-Bakit kulang kayo?” tanong kong muli. Walang nagsalita sa kanila kaya hindi ko maiwasang mag-isip ng masama. May nangyari ba sa babae? Maya-maya pa ay tumunog na ang sasakyan hudyat na aalis na kami kaya sumakay