Art of Destiny LXVIII

NAGKATAONG sina Jino at Uncle Carding niya ang naiwan sa loob ng bahay ng umagang iyon kaya nabigyan ng pagkakataon si Jino ng panahon para makapagtanong sa uncle. Hindi na talaga niya kaya pa ang mga katanungang gumgulo sa isipan niya. Ang mga dayuhang panaginip niya sa gabi na hindi niya alam kung kaylan nangyari pero nararamdaman niyang konektado sa kaniya ay sobrang nagpapasakit ng ulo niyo. Kahit pa ang minsan ay pagkawala niya sa sirkulasyon sa tuwing may sasagi sa ala-ala niya o biglang parang kidlat na guguhit sa kaniyang isipan ay isa sa mga dumadagdag ng nakakalitong mga problema na hindi niya alm kung ano ang dahilan.

Kanina pa niya pinagmamasdan ang kaniyang Uncle Carding sa kabilang mesa habang nagtitimpla ito ng sarili nitong kape ng umagang iyon. Ang asawa nitong si Celestie ay kasama ng dalawang anak ng mag-asawa na parehong nag-aaral sa elementarya. Sila na lamang ang naiwan ng mga sandaling iyon na isang magandang pagkakataon para kay Jino na makapangusisa rito tun