Art of Destiny LVIII

GABI. Maliwanag ang paligid na bunga ng mapayapang sinag ng buwan na tumatanglaw sa buong isla. Nakakaakit ang tahimik na atmospera na dala kanina pa nanng unti-unting magkalat ang gabi.

Maging ang malakrystal na repleksiyon ng alon sa tuwing ihahampas sa mababaw at aninag na buhanginan ay masarap sa mata ng makakakita.

Ang mapanuksong tanawin ay siyang pumigil kay Jino upang sandaling masdan ang ipinamamalas nitong kapayapaan at kapanatagan. Umupo siya sa naroong malapad ngunit flat na bato. Gamit ang indian sit, malaya at pinagkasya niya ang sarili sa panonood ng marahang paghampas ng alon.

Kahit maingay ang hampas ng alon, naging musika naman iyon sa kaniyang pandinig. Para kasing may bagay na gusto itong ipaalam sa kaniya. Ang mahinang tunog ng paggalaw ng tubig at marahang tilamsik nito ay may hatid na kakaibang mensahe sa kaniya.

May panaka-nakang ala-ala na saglit na parang kidlat na gumuguhit sa kaniya. Mga bagay na nagpapahilo sa kaniyang kaisipan. Minsan ay may mga