Art of Destiny LIX

IBIG magpalahaw ng iyak ni Arianne ng mga oras na iyon. Para siyang binagsakan ng langit at lupa nang marinig ang sinabi ng nagpakilalang Rosing. Ang sigla,pananabik at pag-asa na muling makita ang anak niya na kanina lang ay nasa buong sistema ng kaniyang pagkatao ay parang mga ulap na nahawi sa kinalalagyan.

Ang buong akala niya ay makikita na niya ang kanilang anak na si Jino pero isa lang pala iyong masamang biro. Kahit nakaupo ay parang nawalan ng lakas ang kaniyang mga tuhod at para siyang mabubuwal sa pagkakaupo.

Gusto niyang isipin na ginigood time lang sila ng ginang dahil ayon kay Jake, ito mismo ang tumawag sa asawa tungkol sa nalalaman nito sa anak nila. Ano at parang binabawi lang nito ang mga sinabi nito gaya ng isang false witness sa court?

"P-pero Aling Rosing, malinaw ang pagkakasabi niyo sa akin ng tumawag kayo. Hindi ko naisip na aabot kami rito kung isa lang palang biro ang itinawag niyo sa amin?" Si Jake na bagama't pormal pa din magsalita ay hindi naiwasang