CHAPTER 3

Alora's POV

"Nasa loob ba si Azrael?" tanong ko sa lalaking kalalabas pa lang sa opisina ni Azrael.

Noong tumango siya ay kumatok ako saka pumasok. Gulat naman siyang napatingin sa akin.

"Wife, why are you here? May nangyari ba?" Umiling ako at umupo sa sofa na nasa kaliwang bahagi ng mesa niya.

"May gusto lang sana akong sabihin sayo." Umupo siya sa tapat ko at tumingin sa akin, inaantay ang sunod kong sasabihin. "Gusto ko sanang matuto mag-english."

Nahiya ako lalo noong kunin niya ang cellphone niya at may pinindot-pindot doon. Sabagay, tatlong buwan pa lang ako rito pero ang lakas ng loob kong humingi ng pabor. Tumayo na lang ako at nagtungo sa pinto, ayoko nang maistorbo siya.

"Kailan mo balak magsimula?" Napalingon ako bigla sa kanya, nasa tenga pa rin niya ang cellphone niya. "Kung gusto mo daw ngayon, pupunta agad dito yung teacher mo."

Napatalon ako sa tuwa dahil sa sinabi niya. "Talaga?!" Tumango-tango siya at dumating nga agad yung teacher ko.

Ang dami kong natutunan na bagong salita pero nahihirapan pa rin ako. Mayroon naman akong naintindihan na iba pero yung ibang salita ay nevermind na lang.

"Welcome home!" bati ko kay Azrael noong pumasok siya sa bahay, yumuko rin ako ng kaunti katulad nang ginagawa nila Stella at ng iba pang tao dito sa bahay.

"Do not bow at me you're not my servant. You are my wife."

Ang huling sinabi niya lang ang naintindihan ko pero pilit kong inalala kung ano ang ibig sabihin ng servant kaya naman nanatiling ganoon ang posisyon ko.

"Kapag hindi ka tumayo diyan, I will fire your teacher." Para akong naging spring noong marinig ang sinabi niya.

"S-usunugin mo ang t-teacher ko?" Narinig ko ang tawa ng mga tauhan niyang nakakarinig sa amin.

Bakit sila natatawa? Umatras ako ng bahagya, mukhang ginawa na nila ito dati kaya ganon na lamang ang reaksyon nila.

"No, of course not. What I mean was papaalisin ko ang teacher mo at hindi ka na mag-aaral ng english." Tinignan ko ang mga mata niya kung seryoso ba talaga siya.

"H-huwag mong sunugin ang teacher ko at huwag mo rin siyang paalisin. Gusto kong matutu mag-english para maintindihan kita kapag ganon ang gamit mong lenggwahe." Ngumiti siya at lumapit sa akin.

"Hindi ko siya paalisin kaya kumain na tayo, nagugutom na ako eh." Tumango ako at sumunod sa kanya sa kusina. "Pero bago tayo kumain may ibibigay pala ako sayo. Calem!" Tinawag niya ang isa niyang tauhan at inabot naman nito sa kanya ang isang umbok ng mga bulaklak.

"Your favorite flowers." Inabot niya sa akin iyon na tinanggap ko naman. Mga rosas ang laman nun na may iba't-ibang kulay.

"Salamat."

"Pupunta tayo sa mall bukas ng umaga." Tumango lang ako sa sinabi niya dahil busy na ang bibig ko sa pagnguya.

Iyon din talaga ang nangyari kinabukasan. Ngayon ay nasa mall na kami. Para kaming mga artista sa dami ng guards na nakapalibot sa amin kaya naman hindi rin maiwasang tumingin sa amin ng ibang mga tao na nandoon.

"Bakit ang dami nating bodyguard? Are we in danger?"

"Ohh wife, you've got some new words." Tumingin ako sa kanya gamit ang proud kong mukha pero napalitan din naman agad iyon ng masamang tingin nang guluhin niya ang buhok ko.

Nahirapan pa naman sila Stella sa pag-aayos ng buhok ko!

"You are in danger because of Koen and I am also in danger dahil marami akong kaaway."

"Ganoon naman pala eh bakit pa tayo lumabas? Nanganganib pala tayong dalawa pareho eh." tumigil ako sa paglalakad na ginawa rin niya.

"Kase I am confident na kayang kitang protektahan, ganon rin ang mga tauhan ko. Gusto ko ring lumabas ka ng bahay kase baka nababagot ka na doon." Tumango naman ako kase minsan naman talaga ang boring doon sa bahay niya, wala akong ibang makausap kundi sila-sila lang din.

Ipinagpatuloy na lang namin ang paglalakad. Dumaan kami sa iba't-ibang mga tindahan at kung ano-ano lang ang binibili ni Azrael.

"This one, kailangan mo ng vitamins." inilagay niya iyon sa cart na dala-dala ni Calem na tauhan niya.

"Ito rin this is good for our health." Tinapon niya ang dalawang produkto na hindi ko nga kilala kung ano yun sa cart namin.

"This dress will look good on you." Tinawag niya ang saleslady at binili rin iyon.

"This table will look great on your walk-in closet." Binili niya rin iyon.

Lahat ng nakikita niyang natitipohan niya ay binibili niya.

"Ganyan ba talaga siya kapag nagpupunta ng mall?" tanong ko kay Calem na umiling lang naman.

"Hindi ba mauubos ang pera niya sa ganyan?" Patuloy pa rin kaseng bumibili si Azrael habang nakasunod lang kami sa kanya.

"Kahit bilhin niya pa itong mall na ito hindi mauubos ang pera niyan pero what he is doing right now is kind of alarming." Sumang-ayon ako sa kanya.

"May alam ka bang paraan pa'no siya mapapatigil?" Tumango naman si Calem at bumulong sa akin.

Paglapit ko kay Azrael ay busy pa rin siya sa pagbili ng kung ano-ano.

"Wife, bagay ito sa veranda ng kwarto mo." Tinuro niya ang isang sala set at akmang tatawagin na niya sana ang saleslady nang agawin ko ang atensyon niya.

"Hubby, hindi natin yan kailangan, ang dami mo nang nabili na katulad niyan kanina. How about kumain na lang tayo?" Mukhang epektibo nga ang sinabi sa akin ni Calem dahil para siyang estatwa ngayon.

"Pakiulit ng sinabi mo," sabi niya ng hindi kumukurap.

"Marami ka nang binili na katulad niyan?" Pag-uulit ko sa sinabi ko pero umiling siya. "Kain na lang tayo?"

"Hindi yung isa."

"Hubby?" alanganin ko pang sabi pero tumango-tango agad siya at lumapad ang ngiti niya.

"Isa pa." Inulit ko ulit ang salitang iyon at nagulat naman ako noong hawakan niya ang kamay ko.

"She called me hubby," bulong niya kay Calem nang dumaan kami sa kanya.

Natawa na lang ako na kalaunan ay napalitan ng hiya noong sumigaw siya.

"Everyone! My wife here called me hubby."