Chapter 8: Call me husband

DAHIL sa malakas na pagtili ng kasamang babae ni Alex at ng iba pang tao, napalibutan si Serena. Kahit nasasaktan ang katawan, tumayo si Hanni at dinaluhan ang kaibigan.

“S-Serena, a-anong gagawin natin? Patáy na ba si Alex?”

Napaiyak na si Hanni at dahil sa takot, napaluha na rin siya pero mabilis niyang hinamig ang sarili. “Ako ang humampas sa kanya ng upuan kaya lulusutan ko 'to, Hanni.”

Hinawakan ng kaibigan ang kamay niya. “Hindi. Damay rin ako. Hindi kita iiwan, Serena. Isa rin ako sa nanakit kay Alex kaya hati tayo sa kasalanan.”

Dumating naman ang tinawag na medics at agad na pinuntahan si Alex. Nang sabihin na nawalan lang ng malay si Alex, nakahinga nang maluwag si Serena at Hanni. Hindi sila nakapátay!

Pero dahil nakasakit sila ng tao, dinala sila sa presinto ng management at si Alex naman ay sa ospital nadala.

“Anong ginawa ninyo at dito kayo dinala?” Mahinahon naman ang tanong pero dahil presinto iyon, napaiyak na naman si Hanni.

“Ateng pulis, sinaktàn po namin si Ale