Chapter 22b

Angel

“Ano yon?” gulat na tanong ni Nadia na mabilis na yumapos sa akin. Hindi na ako nakasagot dahil nagulat na lang ako ng bigla na lang akong napalayo sa kanya dahil sa paghila sa akin ng isang lalaki.

“Ahhhh!!!’ tili ni Nadia na ngayon ay nakatayo na sa harapan ko habang yapos yapos ako ng isang lalaki sa aking leeg ng isa niyang kamay kasabay nang paglitaw sa harapan ng mukha ko ang isang kutsilyo na hawak hawak din niya.

“Huwag kayong lalapit!” sigaw ng lalaki. Nanlaki ang aking mga mata kasabay ang paninigas ng aking katawan.

“Please, pakawalan mo ang kaibigan ko…” umiiyak naman na sabi ni Nadia.

“Pakawalan mo siya!” sigaw din ng bagong dating lang na pulis.

“Huwag kayong lumapit kung hindi ay papatayin ko ang babaeng ito!” Hindi ko alam ang gagawin ko dahil sa takot at kitang kita ko rin si Nadia na mukhang ganun din ang nararamdaman.

“Pakawalan mo ang babae at sumama ka sa amin ng maayos.” Seryoso ang mukha ng bagong dating na pulis ng magsalita ito, ngunit may palagay akong h