Chapter 20b

Victoria

“Anong ginagawa mo dito?” tanong ng asawa kong walang kwenta. Sa totoo lang, maliban sa pera nito ay wala ng akong makita pang iba na pwede kong magustuhan sa kanya. Kahit na sinong babae ay hindi rin siya titignan man lang kung wala rin siyang pera o kung hindi siya nakasakay sa mamahaling sasakyan.

“Nakalimutan mo na ba, bahay ko rin ito?” tanong ko rin. Akala niya yata ay hindi ko siya sasagutin. Dati kasi ay hinahayaan ko lang siya, wala akong pakialam ano man ang sabihin niya. Pero sa nangyayari ngayon sa buhay ko ay wala na akong pakialam.

Nilagpasan ko lang siya at dumiretso ako sa silid namin. Ang mga katulong ay alam na alam ang mga nangyayari dito sa loob ng bahay at alam ko rin naman na naka-broadcast na rin iyon sa bawat pamilya nila. Ipinagtataka ko nga kung bakit hindi pa kumakalat ang balitang ito sa buong bansa gayong napaka tunog ng pangalan ng Dad ko bilang nangungunang kandidato sa pagka presidente sa susunod na taon na halalan.

Pagpasok ko sa kwarto ay sin