Chapter 21a

Angel

Tuesday na pero hindi ko pa rin masabi kay Salvatore ang tungkol sa pagyayaya sa akin ni Nadia na lumabas. Hindi ko rin alam kung paano ko sasabihin sa kanya at hindi ako makabwelo or makahanap ng tamang timing para magpaalam.

Mula noong Sabado na nagising akong wala na siya sa higaan ay hindi pa kami nagkaroon ng pagkakataon na makapag-usap dahil lagi siyang wala sa bahay. Ni hindi na nga kami nagkakasabay sa pagkain at nagtataka rin ako kung bakit biglang nawala ang kapatid niya.

Kakatapos ko lang mag tanghalian at naisipan ko na namang tumambay sa may pool area. Naupo ako sa isa sa mga upuan doon at tsaka ko kinuha ang aking cellphone. Pero hindi pa man ako tumatagal sa pag-i-scroll ay nagulat na lang ako ng biglang may magsalita sa aking likuran.

“Tapos ka ng mag tanghalian?” Lumingon ako at nakita ko si Salvatore na palapit habang nakasunod ako ng tingin sa kanya. Ang gwapo nito sa suot na itim na long-sleeve polo na nakatupi ang manggas hanggang siko. Ang tindig niya ay lal