Chapter 6. You're So Beautiful And Sexy

Ilang araw na ang nakalipas ng umalis si Henry patungo sa Amerika. Kahit na hindi mahal nina Henry at Lykal ang isa’t isa bilang magkasintahan ay nalulungkot pa rin si Lyka na wala si Henry sa tabi nito. Nasanay na si Lyka na lagi siyang nariyan. Ilang araw na lang araw na ng mga puso iniisip ni Lyka kung ano ang kanyang gagawin sa araw na ito.

“Good morning Miss Lyka,” bati ng secretary ni Henry.

“Good morning din.” Nakangiting bati ni Lyka.

Abala si Lyka sa mga gawain sa opisina. Nadoble ang kanyang trabaho ng umalis si Henry at kailangan din nya na laging samahan si Vladimir sa mga meetings nito at business deal sa ibang company. Saglit na huminto si Lyka sa kanyang ginagawa at napahawak sa kanyang sintido kanina pa masama ang kanyang pakiramdam. Sumandal siya sa kanyang upuan at ipinikit ang kanyang mga mata. Hindi niya namalayan ang pagpasok ni Vladimir sa loob ng opisina dahan-dahan itong lumapit sa kanyang kinaroroonan.

“Hey,what's wrong?” Tanong ni Vladimir kay Lyka. Nagmulat si Lyka ng kanyang mga mata.

“Hey, nandito kana pala,” matamlay na sabi ni Lyka.

“Are you okay? Parang wala ka yatang energy ngayon hindi ka nag susungit eh.”

“I’m fine Vladimir, wala lang ako sa mood. I want to remind you that you have a dinner meeting at the five star hotel with our business partner later.” Seryosong sabi ni Lyka.

“I know Lyka, you will come with me right?”

“Yes don't worry,” maikling sagot ni Lyka.

Bumalik si Vladimir sa kanyang lamesa na nagtataka kung bakit parang matamlay si Lyka ngayong araw dahil ba ito sa pag alis ng kanyang ama o may iba pang dahilan. Vladimir is worried about Lyka because she seems so pale. Lumipas ang mga oras na pareho silang abala ni Lyka. Umuwi muna sila sa bahay ni Henry upang mag palit ng damit para sa kanilang formal meeting sa kanilang business partner.

Kaagad na nahiga si Lyka sa kama pakiramdam niya ay pagod na pagod siya at nararamdaman din niya ang init mula sa kanyang katawan nilalagnat siya. May dalawang oras pa bago ang kanilang meeting kaya naman umidlip muna siya at nag alarm na lang para magising sa tamang oras at makapag handa. Lumipas ang isang oras ng tumunog ang alarm clock ni Lyka. Mabigat pa rin ang kanyang pakiramdam kahit na uminom naman siya ng gamot bago umidlip.

Masama man ang pakiramdam ay bumangon pa rin si Lyka at naligo upang makapag handa na sa kanilang pag alis. Kalahating oras ang lumipas nakapag handa na si Lyka nakarinig siya ng katok mula sa kanyang pintuan. Dahan-dahan itong bumukas bumungad sa kanya si Vladimir.

“Lyka, are you ready?” Nakangiting tanong ni Vladimir.

“I Am. Let's get this deal.” Nakangiti rin na sagot ni Lyka.

Saglit siyang tinitigan ni Vladimir mula ulo hanggang paa. Napakaganda ni Lyka at sexy sa suot nitong red dress na hapit sa magandang hubog ng kanyang katawan. Naiintindihan niya ang kanyang ama kung bakit naakit ito kay Lyka. Walang sino mang lalaki ang hindi maakit sa taglay niyang kagandahan.

“You're so beautiful and sexy.” nakangiti niyang sabi kay Lyka. Ngumiti si Lyka kay Vladimir at nagpasalamat sa papuri nito.

 Umalis na sila ng bahay patungo sa hotel kung saan gaganapin ang kanilang business meeting. Sa entrance pa lang ng hotel ay agaw pansin na kaagad ang kagandahan at ka sexyhan ni Lyka pinagtitinginan siya ng lahat ng mga kalalakihan at kinaiingitan naman ng mga kababaihan.

Hindi malaman ni Vladimir kung matutuwa ba o maiinis sa kanyang nakikita na atensyon ng mga kalalakihan kay Lyka kaya hindi na rin niya namalayan ang atensyon na ibinibigay sa kanya ng mga kababaihan na malagkit ang tingin sa kanya na ikinaiinis naman ni Lyka sa hindi niya malaman na dahilan.

Nasa loob nasa sila ng conference room ng hotel at nag umpisa na ang kanilang pag uusap tungkol sa business deal na inaalok ng ibang kumpanya na handang makipag tulungan at sosyo sa kanila.Tumayo si Lyka upang maiprisinta at maipaliwanag ang kanilang proyekto lahat ng mata at atensyon ay nasa kanya lamang na waring ayaw na kumurap ng mga kalalakihan. Sadyang magaling si Lyka sa kanyang trabaho at talagang kumbinsido ang kanyang mga pananalita at paliwanag kaya naman sa huli ay matagumpay nilang nakuha ang malaking proyekto na kanilang pinaghandaan.

Pagkatapos ng meeting ay may dinner na naganap kasama ang lahat ng involved at umattend sa meeting. Kaunti lang ang kinain ni Lyka dahil masama na talaga ang kanyang pakiramdam at nais na niyang umuwi. Napansin naman ito ni Vladimir at agad na lumapit sa kanya. Naramdaman niya ang init ng balat ni Lyka nang hawakan niya ito sa braso namumutla na rin ito kaya naman kaagad siyang nagpaalam sa kanyang mga kaharap.

Nasa sasakyan na sila nang hawakan ni Vladimir ang kanyang noo. Mainit si Lyka at mataas ang lagnat nito. Nais niya itong dalhin sa ospital ngunit tumanggi si Lyka sa bahay na lang daw siya magpapahinga. Walang nagawa si Vladimir kung hindi ang iuwi si Lyka sa bahay ni Henry. Nakatulog na si Lyka habang nasa biyahe kaya naman hindi niya namalayan ang pagbuhat sa kanya ni Vladimir papasok ng bahay at dinala siya sa silid ni Henry kung saan siya natutulog.

Kumuha si Vladimir ng malamig na towel at pinunasan si Lyka nag aalangan siya na hubarin ang suot nitong damit subalit tulog na ang kanilang mga kasambahay kaya naman wala siyang nagawa kung hindi ang tanggalan ng saplot si Lyka at buhatin ito patungo sa shower dahil sa taas ng lagnat nito. Nagmulat si Lyka ng kanyang mga mata ng maramdaman ang malamig na tubig na dumadaloy sa kanyang buong katawan.

“Vladimir…” Nanghihinang sabi ni Lyka.

Don't worry you’ll be fine after taking a shower.” Malambing na sabi ni Vladimir habang yakap-yakap si Lyka sa tapat ng shower.

Nabigla si Lyka dahil napagtanto niya na wala siyang saplot ngunit wala siyang lakas para makipagtalo kay Vladimir. Magkadikit ang kanilang mga katawan habang dumadaloy ang tubig mula sa shower. Mahigpit ang yakap sa kanya ni Vladimir at halos magkadikit na ang kanilang mga labi. Ramdam ni Lyka ang init ng katawan ni Vladimir kahit na nasa tapat sila ng shower ang mainit na hininga nito na dumarampi sa kanyang mga labi.

“Lyka, wake up and eat something kailangan mo uminom ng gamot,” sabi ni Vladimir.

Nagmulat si Lyka ng kanyang mga mata dahan-dahan siyan inalalayan ni Vladimir para makabangon. Hindi niya alam kung ano ang nangyari kanina lamang ay nasa shower sila marahil ay nawalan siya ng malay dahil sa taas ng kanyang lagnat, Sinubuan siya ni Vladimir ng lugaw pagkatapos niyang kumain at pinainom siya nito ng gamot. Magkatabi silang humiga muli sa kama habang yakap-yakap siya ni Vladimir sa kanyang mga bisig.

Tumunog ang telepono ni Vladimir at sinagot niya ito, “Babe, I'm here!” Masayang sabi ng babae mula sa kabilang linya. Nagulat si Vladimir sa kanyang narinig at napatingin ito kay Lyka na gising pa ng mga sandali na iyon.

“Who is Babe?” Tanong ni Lyka kay Vladimir at tuluyan ng pumikit ang kanyang mga mata patungo sa pagtulog.