Chapter 83 - Disgruntled Gentlemen

Nakatitig lang si Abby sa pagkain na nasa harap nito habang hinihilot-hilot nya ang isang palad nito. Para silang galing sa teatrong dalawa dahil naka-gown at tuxedo pa rin silang nakaupo sa cafeteria ng ospital.

“Nanalo kang Princess of the Night kanina, mi cielo! Nasa coche ang crown at sash mo,” nakangiting anas nya sa babaeng nakatulala.

Bukod sa crown at sash na napanalunan ay may kasama pa talagang pera, mga gift certificates, at three days and two nights staycation sa isang five-star hotel. Pero hindi na nya kinuha ang mga ito para maibigay na lang sa iba tutal galing din naman ito sa kanya. Mas magandang premyo ang naiisip nyang ibigay kay Abby.

“Kumain ka muna, hindi ka pa kumain eh. Tapos uuwi na tayo para makapagpahinga ka, babalik tayo dito bukas ng umaga, okay?" Hinalikan nya ang noo nito. Para syang nang-uuto ng bata.

Kagyat itong nagbaling sa kanya, nangingitim ang paligid ng mapupungay na mga mata nito dulot ng naagnas na eyeliner.

“Uhm, Joaquín? Pupunta lang ako sa