Chapter 71 - WANTED: Poging Ball Date-cum-Punching Bag

“Nahihilo na ‘ko, Joaquín! Ibaba mo na ‘ko!” hiyaw nya. Nakabaliktad pa rin sya sa balikat nito. Para lang syang isang sakong bigas kung pasanin sya nito.

“Artehan mo pa nang konti, malapit ka nang magkaroon ng película, mi vida,” natatawa-tawang sambit nito habang sniswipe ang key card sa smart lock.

“Hindi ako umaarte! Ibaba mo na ‘ko, malapit na ‘kong masuka!” Pinagtitripan pa rin sya hanggang ngayon ni Joaquín.

“Pumikit ka na lang. Pumikit ka lang hangga’t hindi kita binababa... Lumalaki ang balakang mo ah, ‘di ba gano’n ‘yon kapag buntis? Buntis ka na ba?" umuugong ang halakhak ni Joaquín habang inaakyat ang fiberglass na hagdan. Umaangat na ang damit nito sa likod sa higpit ng pagkakakapit nya.

“Walang nabubuntis sa kiskisan, gagi! Nakakainis ka naman eh! Masusuka na ‘ko talaga, malapit na malapit na!”

Tatawa-tawa itong iniupo sya sa sofa.

“Sa tagal ko ‘tong pinaghandaan, hindi ko akalaing ikaw rin lang pala ang sisira ng sorpresa ko sa ‘yo! Hay nako!" hinihingal