Chapter 45 - Player Got Played (SPG)

Dumiretso si Joaquín sa labahan nila sa likod-bahay para ilapag ang dala-dala nya kaninang eco bag.

“Maglalaba ka pa, gabing-gabi na. Agahan mo na lang gumising bukas,” sambit nito habang hinuhubad ang suot na T-shirt saka ipinampunas iyon sa pawisang mukha.

Mainit nga naman kasi sa bahay nila, hindi gaya sa penthouse nya na centralized ang aircon. Pero kahit mainit at masikip ang bahay nila ay laging feeling at home si Joaquín.

“Si-sige, bukas na lang ako maglalaba.” Kanina pa talaga kumakalabog ang kanyang dibdib sa kaba.

Nakita nyang pumunta si Joaquín sa sofa at nakipaglaban sa electric fan nilang hindi na umiikot.

“Sira ba ‘to?”

“O-oo, sa kwarto ka na lang mahiga.”

Iginala ni Joaquín ang mga mata nya sa tatlong dipa nilang sala. “‘Pag-uwi ni Nanay ipapa-aircon ko ‘tong bahay nyo.”

“‘Sus, h’wag na, lilimandaan lang ang kuryente namin buwan-buwan eh napuputulan pa kami,” nagkakatapon-tapon ang mainit na tubig pagsalin nya sa tasang may instant na kape.

Narini