Kabanata 13

"Anong meron?" nagtatakang tanong ni Araceae nang maabutan ang mga kasambahay na busy, paroo't-parito sa buong kabahayan. Tinanghali na siya ng gising dahil hindi maganda ang pakiramdam niya. Mukhang naabuso niya yata ang katawan, ayaw kasing tumigil ni Temur, masyado rin naging rough sa kanya ang asawa kagabi.

"Para po sa party niyo mamaya, Madam..."

Nakunot ni Araceae ang noo sa sagot ni Yana. Party niya? Wala naman siyang natatandaan na nagplano sila ni Temur ng party, at para naman saan ang party?

"Anong party?"

"Celebration po ng pag-iisang dibdib niyo ni Sir Temur."

"Huh?"

"Si Sir Kaya po ang nakaisip nito. Since hindi raw siya nakadalo at marami sa mga close friends nila ang hindi rin nakadalo sa kasal niyo ni Sir Temur sa probinsya, magkakaroon po ng party para sa kasal niyo ngayong gabi," paliwanag ni Yana.

"Pero wala namang nasabi sa akin ang asawa ko."

"Surprise party raw ito para sa inyong mag-asawa sabi ni Sir Kaya, regalo niya para sa inyong dalawa ni Sir Temur," katwiran pa ni Yana.

Napangiwi si Araceae, hindi naman kailangan gawin ng bayaw niya ang ganito. Bukod sa hindi siya komportable sa ganitong uri ng pagtitipon, hindi pa rin siya sanay sa bagong estado ng buhay niya, hindi niya pa alam paano umakto bilang isang Flegenheimer sa harap ng maraming tao. Nakasisiguro rin siya na tulad ng magkapatid, mayayaman at may ibubuga sa buhay ang mga kaibigan ng mga ito.

"Alam na ba ni Temur ang tungkol sa party na ito?" tanong niyang muli kay Yana. Nakasunod lang sa kanyang ang katulong habang pababa sila ng hagdan.

"Opo, Madam. Kaninang umaga lang nalaman ni Sir Temur."

"At okay lang sa kanya?" Curious siya sa naging reaksyon ng asawa.

"Mukhang wala naman pong problema kay Sir Temur. Sinabi niya lang kay Sir Kaya, 'Do whatever you want, I don't care...'" Ginaya pa ni Yana ang tono ng kanyang asawa kaya bahagyang natawa si Araceae.

"Ganun ba?"

Masyadong busy sa kusina nang makapasok sila ni Yana, hindi magkamayaw ang mga katulong; may nagluluto, nag-aayos ng mga gamit para ilabas sa garden at meron namang kumakain.

"Madam, magandang tanghali. Gusto niyo ba? Ipaghahanda ko kayo," alok ni Laura, isa sa mga katulong na naroon sa kusina at kumakain ng pananghalian.

"Ako na ang maghahanda ng makakain ni Madam, Ate Laura." Agad na tumalima si Yana upang kumuha ng plato niya at ipaghain siya ng makakain. Ipinagsalin rin siya ng dalaga ng isang baso ng orange juice.

Pagkatapos kumain nagprisinta si Araceae na tumulong sa mga katulong sa paghahanda ngunit hindi naman siya pinahintulutan ng mga ito. Sa halip ay hinatid siya ni Yana sa silid nila ng mag-asawa nang dumating ang tatlong stylist para ayusan siya para sa party. Wala ng nagawa si Araceae kundi ang sundin ang mga ito at hayaan ang mga stylist na gawin ang gusto ng mga ito.

Tatlong oras bago magsimula ang party, iniwan siya ng mga stylist sa silid, ilang minuto ang lumipas pumasok sa kwarto si Kaya. Nakangiti ang lalaki at tila tuwang-tuwa sa kanyang hitsura.

"You're amazing, Aries."

"Salamat, kuya. Dumating na ba si Temur?"

Umiling ang lalaki. "Nasa opisina pa siya. Don't worry, he'll be home before the party starts."

Paniniyak ni Kaya na pinanghawakan ni Araceae ngunit nabigo siya sa huli nang halos tatlong oras na-late ang kanyang asawa sa party, tuloy ay mag-isa siyang humarap sa mga bisita nang ipakilala ni Kaya ang newlywed. Sa simula pa lang ng party napahiya na siya sa mga bisita, kung hindi lang dahil sa bayaw niyang todo suporta sa kanya at hindi umalis sa tabi niya baka naging emosyonal at dinamdam na ni Araceae ang pagiging late ng asawa niya.

"Madam, nasa lanai po ang asawa niyo," imporma ni Yana.

"Salamat, Yana."

Hindi nag-aksaya ng oras si Araceae para salubungin ang asawa na kadarating lang. Alam niyang pagod sa trabaho si Temur kaya kailangan niyang asikasuhin ito. Tamang-tama katatapos lang niyang kumain ng dinner.

"Where are you going?" tanong ni Kaya nang makasalubong niya ang lalaki kasama ng mga kaibigan nito.

"Dumating na raw si Temur, sasalubungin ko lang kuya..." Narinig niyang nagkantyawan ang mga kasama ni Kaya, pinupuna ng mga ito ang pagtawag niya ng 'kuya' sa kanyang bayaw. Agad naman na sinita ni Kaya ang mga kaibigan. Ayaw nitong magkaroon ng maling interpretasyon ang dalaga.

"Sige. I'll inform the guests na dumating na si Temur."

Nilisan ni Araceae ang garden ng may ngiti sa mga labi ngunit nabura iyon nang matagpuan ang asawa sa lanai na kausap ang isang maganda at napaka-sexy na babae. Hindi niya alam kung anong pumasok sa isip niya't pinili niyang magtago sa halip na magpakita at batiin ang mga ito.

"I really can't believe it, Temur. Seriously? Ang babaeng iyon talaga ang pinalit mo sa akin? Ganyan na ba kababa ang taste mo ngayon?" tahasang pagsasalita ng babaeng kasama ni Temur. Magkaharap na nag-uusap ang dalawa.

"Stop bothering me, Louise. You don't have the right to interfere in my life; it's no longer your concern. I can marry whomever I want."

Sarkastikong natawa ang babae.

Namaywang ito. "At sa tingin mo makikinig ako sa mga sinasabi mo?" Lumapit ito kay Temur at hinimas ang braso ng lalaki.

Nakuyom ni Araceae ang kamao. Hindi niya alam kung sino ang babae pero sa nakikita niya mukhang may dating relasyon ang dalawa bago pa siya pumasok sa buhay ni Temur.

"Why don't you leave that woman and be with me instead? Alam ko naman na ako pa rin ang mahal mo hanggang ngayon, right?"

"Stop saying nonsense..." Binaklas ni Temur ang pagkakahawak ng babae sa braso nito. Marahan nitong tinulak ang babae, ngunit parehong nagulat si Temur at Araceae nang bigla na lang yumakap ang babae kay Temur. Muling tinulak ng asawa niya ang babae ngunit kumapit talaga ito ng husto. Doon na nag-decide si Araceae na magpakita sa dalawa.

"Honey," tawag pansin niya. Parehong bumaling sa deriksyon niya ang mga ito. Dahil sa bigla niyang pagpapakita mabilis at malakas na tinulak ni Temur ang babae at sa pagkakataon na ito ay napabitiw na ito na halos matumba sa lakas ng pagtulak ng asawa niya.

"Aries..."

"Kanina pa kita hinihintay." Naglakad siya palapit sa asawa at inangkla ang kamay sa braso ni Temur. "Sino siya?" Nakangiti na tanong niya.

"Oh... She's Louise, my ex-girlfriend." Walang pagdadalawang-isip na sagot ni Temur kaya mapang-uyam na ngumiti ang babae sa kanya.

"I'm pleased to meet the ex-girlfriend. I'm Aries, the wife." Siya naman ang ngumisi ng matamis sa babae. Anong akala nito magpapatalo siya? No way!

"Aries? How nice? I think I knew that name before—Mhmm… Saan ko nga ba narinig ang pangalan niya—"

"Let's go back to the party," ani Temur sinadya na hindi patapusin si Louise. Inangkla nito ang kamay sa baywang ni Araceae at hinila na ang asawa paalis ng patio. Hindi man lang ito nagpaalam sa babaeng kausapin nila, na ikinatuwa ni Araceae, ngunit hindi pa rin niya napigilang magtaka.

Pagbalik nila sa garden kung nasaan ang party, marami ang sumalubong sa kanila, binabati silang mag-asawa. Ang iba sa mga kaibigan ni Temur ay maganang nakikipag-usap sa kanya na tila ba matagal na siyang kakilala gayong una palang niyang nakilala ang mga ito.

Malaki ang ngiti ni Araceae nang mahagip ng kanyang tingin si Kaya na nakatayo kasama pa rin ng mga kaibigan nito. Nakatingin sa kanya ang lalaki, hindi malayo sa kanya kaya kita niya ang mga emosyon sa mata nito; he seems so pitifully sorry. Pero saan naman?

"So, Aries... The first time we met you we're with Kaya at his—"

"Ellie," may pagbabanta na saway ni Max sa girlfriend, kausap ngayon ni Aries ang magkasintahan na parehong ka-block ni Temur noong nag-aaral pa lamang sa kolehiyo ang asawa niya.

Si Araceae ay hindi napigilan ang pagkunot ng noo. Naguguluhan na nilingon niya si Temur, ngunit nag-iwas lamang ng tingin ang lalaki. Kanina niya pa napapansin, may kakaiba sa mga kaibigan ng magkapatid. Ang akala niya kasing malamig na pakikitungo ay naging mainit na pagtanggap, hindi lang iyon, para bang hindi na siya bago sa mata ng mga ito. Komportable at may paggalang ang lahat kung kausapin siya, maliban na lang kay Louise.

"Oh, I'm sorry about that. Huwag mo na lang pansinin ang sinabi ko. Excuse us for a moment magpapasama lang ako kay Max sa washroom,” paalam ng babae at hinila na ang kasintahan paalis.

Hinarap ni Araceae ang asawa nang tuluyan silang iwan ni Ellie at Max.

"Anong sinasabi ni Ellie?" Hindi niya pwedeng palagpasin ang pagkakataong ito. Curious siya at gusto niyang malaman kung ano ba ang tinutukoy ni Ellie, the woman said, ‘the first time they met’. Ang ibig sabihin ba ay hindi ito ang unang beses na nagkakilala sila? At kung hindi nga, saan naman sila posibleng nagkita ng babae? Sa kasal? Pero wala siyang natatandaan na pinakilala ni Temur ang couple o kahit si Ellie.

"She told you already, don't mind her." Yumapos ang kamay ni Temur sa baywang niya at niyakap iyon ng mahigpit. Isang magaan na halik ang nilapat nito sa kanyang ulo dahilan para mapangiti si Araceae at mapawi ang pagkabalisa niya, ngunit hindi iyong nagtagal nang muling mahagip ng tingin niya si Kaya na malungkot at tila nasasaktan na pinanunood sila ng asawa.

***

"Magandang umaga," bati ni Araceae nang maabutan si Kaya sa lanai na umiinom ng kapi. Maaga siyang gumising upang pagsilbihan si Temur bago ito pumasok sa trabaho.

"Mhmm... Morning! Ang aga mo naman yatang gumising?" tanong nitong nasa news paper lang ang mga mata.

Bumungisngis siya.

"Pinagluto ko si Temur ng breakfast, may natira pa sa kusina, gusto mo ba?"

"No, thanks. Hindi ako tulad ng kapatid ko na mahilig sa tira-tira ng iba."

"Ganun ba? Sorry, pero kung gusto mo ipagluto na lang kita, Kuya."

"It's fine. We have maids by the way..."

Sumimangot si Araceae. Bakit ganun? Parang ang lamig naman yata ng pakikitungo ni Kaya sa kanya ngayon? Kahapon lang ay para itong personal bodyguard niya sa party. May nangyari kaya na hindi niya alam?

"Ahem!" Tumikhim siya upang kunin ang atensyon ng lalaki ngunit hindi naman ito nag-angat ng tingin sa kanya, lalo siyang sumimangot. "Kuya, bakit hindi ka pumapasok sa trabaho?"

Doon lang nag-angat ng tingin si Kaya, ngunit salubong naman ang kilay ng binata mukhang hindi nagustuhan ang tanong niya. Curious lang naman siya, ang sabi kasi ni Temur ay napaka busy na tao ng kapatid nito, pero sa nakikita ni Araceae parang hindi naman, halos one week na itong nakatambay lang sa bahay.

"Huwag mong masamain ang tanong ko kuya. Curious lang ako, that's all."

"I'm on vacation," tipid na sagot nitong binalik ang tingin sa news paper.

"Ah..."

"Temur took a month off for your wedding and honeymoon, naiwan akong mag-isa sa kompanya. Not that I can't manage the company on my own; I just took a week off to unwind."

"Ah..."

Muling natahimik ang dalawa. Ang mata ni Araceae ang naglikot sa palagid, bigla na lang siyang nakaramdam ng awkwardness. Dahil pala wala itong assistant na-stress si Kaya ng isang buwan habang sila ni Temur ay nagpapakasaya sa piling ng isa't-isa. Parang feeling nita tuloy may utang na loob siya sa lalaki.

"You don't have to feel guilty. Weddings and honeymoons are important, after all..."

Sumimangot siya. Bakit parang pakiramdam niya may halong sarkasmo ang mga sinasabi nito?

"Ah, oo." Awkward na inabot ni Araceae ang cup sa gitna ng table at sumimsim doon. Ngunit nang ilapag niya ulit sa table ang cup, nagtaka siya dahil sa paniningkit ng mata ni Kaya sa kanya.

"B-bakit?"

"That's my coffee you know."

Nanlaki ang mata ni Araceae. Bumaba ang mata niya sa table at doon niya napagtanto na isa lang ang cup na naroon. Oh, my goodness!

"S-sorry, na tense kasi ako napainom ako bigla. Nakalimutan kong wala pala akong kapi. Pasensya na," hiyang-hiya niyang paumanhin sa lalaki.

"It's fine. It's just a coffee. Para namang hindi tayo naglaplapan dati."

"Excuse me?" nabibingi niyang tanong.

"Nothing. Gusto mo bang mag-swimming?" Tinupi nito ang hawak na newspaper at inilapag sa ibabaw ng table.

Ito na naman ang pakiramdam ni Araceae. Feeling niya may gustong iparating si Kaya sa kanya ngunit hindi niya matukoy kung ano dahil nililiko agad nito ang topic.

"Hindi ako marunong lumangoy," sagot niyang nag-iwas ng tingin.

"Perfect. Tara, tuturuan kitang lumangoy," ani Kaya at tumayo. "Magbihis ka muna, see you at the pool."