CHAPTER 13 (Grin from ear to ear)

TAIMTIM na ipinagdarasal ni Gleea ang mga kaluluwa ng mga kasamahang nasawi nang magpunta sila sa San Hernandez. Pitong buwan na ang nakakaraan ngunit sariwa parin sa kaniyang isipan ang mga nasaksihan.

"Gleea? Nandiyan na si Renz" Bulong ni Razze.

Napabaling ang paningin ni Gleea sa kung saan huminto ang sasakyan ng kaniyang nobyo. Nagpaalam na sa kaniya nang tuluyan si Razze dahil may lakad daw ito kasama ang kaniyang buong pamilya.

"Nagugutom ka na?" Tanong ni Renz sa nobya at inalalayan ito papasok sa kaniyang sasakyan.

"Kanina pa Babe, Saan tayo?" Tanong ni Gleea sa nobyo habang abala ang lalaki sa pag mamani obra ng sasakyan nito.

"Nagluto si Ate ng paborito mo Babe, Nakalimutan ko na iniimbitahan ka pala niya sa bahay" ani ni Renz.

Napatango si Gleea at agad tinahak ni Renz ang daan papunta sa bahay nila ng kaniyang Ate.