Chapter 23

NASA taas na ako nang dumating si Francisco. Actually kanina pa dahil medyo tanghali na niyon. Mag-a-alas nueve na. Nakadukwang na ako sa mesa ko at nagkunwaring may ginagawa nang madatnan niya. Alam kong nakatayo siya sa harap ko dahil aninag ko siya sa peripheral eyes ko pero hindi pa rin ako nag-angat ng tingin. Hanggang sa may ibinagsak siya sa ibabaw ng table ko. Napasigaw ako sa gulat.

"Ano ba?!" Napasimangot ako. Jusmiyo makakapal na libro na naman. Pababasahin niya ba ako ulit?

"Paano ka nakaakyat?" Walang emosyong kababakasan sa kaniyang mukha.

"K-Kay Carlo..." Yes. Nasa taxi pa lang ako in-inform ko na ang assistant niya. Eh mabait si Angel Baby, pinagkaabalahan talaga akong sunduin sa baba. Ambagal-bagal niya kasi ayan tuloy naiwan.

"Ahhh... So kaya iniwan mo 'ko? Maglalandian kayo. Ano'ng ginawa n'yo habang wala ako?"

Bahagya pang napaawang ang mga labi ko. Tarantado na 'to pinag-iisipan pa yata ako nang masama?

"Nag-kiss kami," kagat-labing sabi ko.

"Ano?" Nanlisik na n