Chapter 27

MAGHAPON ang lumipas na hindi ko siya pinapansin. Breaktime, naka-ubob lang ako sa mesa ko. Inaaya niya akong kumain pero hindi ko siya kinikibo. Hindi ako nakakaramdam ng gutom kapag masama ang loob ko.

Hinihintay ko na lang sumapit ang alas-singko. Nakapag-ayos na ako ulit ng sarili ko. Inimis ko ring maigi ang mesa ko at sinigurong walang maiiwang bakas ko roon.

"Where do you want to go?"

Nagulat pa ako sa tanong niya nang nasa elevator na kami. Pero mas nagulat ako nang ipulupot niya ang braso niya sa beywang ko. Dapat ako ang kakapit sa kaniya at hindi siya. Sinubukan kong alisin ang kamay niya pero bigla na niyang pinindot ang number one. Sa gitla ko pa ay napakapit ako sa kaniya. Bagay na napansin kong parang ikinatuwa niya. Kaya nang huminto na ang elevator ay patulak ko siyang inilayo sa sarili ko.

Hindi ko sinagot ang tanong niya. Naglakad agad ako palayo.

"Sandy..." tawag niya pa sa pangalan ko. Pero hindi ko siya nilingon kahit pa nga nagsisimula nang tambulin sa kaba ang