Chapter 33

NAKAUPO lang ako sa sofa habang pinagmamasdan si Francisco na naghahanda ng pag-iinuman namin. Desperado talaga ang gago, lahat yata ng bote ng alak na pinatatago-tago niya inihain niya roon. Baliw na. Hindi ko alam kung anong eksaktong tumatakbo sa isip niya pero isang bagay lang ang alam ko, hindi dapat ako matalo. Or else, may kahihinatnan ako.

Pero naisip ko, baliw din ako eh. Bakit ko pinatos ang hamon niya? Pero talagang desperada lang din akong makuha ang sahod ko. Pati mga requirements ko. Kaya sasakyan ko na lang ang trip ng siraulong ito tsaka ako sisibat.

"Ano? Tapos na ba?" maang ko habang nakamasid sa mga ginawa niya. Andami niyang pulutang pina-deliver. Isang bucket ng fried chicken, grilled liempo, two boxes of large pizzas, chicken wings with different sauces at kung ano-ano pa. Hindi yata inuman ang hanap nito kundi foodtrip. Natakam naman ako.

"Hmmm... wait!" Sa tagal niya akong pinaghintay hindi pa pala tapos? Lumabas siya ng silid. Pero bumalik din pagkuwan dala a