HIRAYA The Blind Lady

“Haya! napakaganda mo sayong trahe parang sa fairy tale ko lang ito napapanood,” puting puti ang kulay ng gown ni Haya na binurdahan ng mga bids na tila gown ni Cinderalla, “isang guwapong mayaman na umibig sa babaeng mahinhin, mahiyain, maganda, mabait at mahusay umawit,” dugtong pa ni Sister Bea habang nakatingin sa kanya.

“At isang bulag,” dugtong ni Haya sa pahayag ni Sister Bea.

“Hindi naman kakulangan na wala kang nakikita, dahil sa kabila ng kalagayan mo kailanman hindi yan naging hadlang para maipakita mo ang pagiging mabuting tao at iyon ang mahalaga,” saad naman ni Sister Lucy.

“Tama Haya, at iyan ay hindi naging hadlang para mahalin at tanggapin ka ni Gaius,” dugtong ni Sister Bea.

“Maraming salamat po sa inyo sister sa unlimited na pagmamahal at pagtulong n’yo sa akin,” pahayag ni Haya.

“Tiyak ko ngayon na masayang-masaya ang Mama Hana mo, pinapanood ka niya, ang nag-iisa niyang prinsesa ay ikakasal na,” ani sister Bea.

“Oo nga po sister, pero alam mo po na masaya po ako na palagi po kayong nasa tabi ko. Kaya maraming-maraming salamat po,” saad ni Haya.

“Nakadama ako ng kalungkutan sa pahayag ni Sister Bea, labindalawang taon na mula nang mawala ang aking Mama Hana dahil sa kanyang sakit sa puso.”

“Sina Sister Bea at Sister Lucy ang tumayong magulang ko nang maulila ako, sila ang mga kaibigan ni mama Hana na tumulong noong siya ay pinaalis ng kanyang mga magulang.”

“Si Mama Hana ay nabuntis nang maaga na naging dahilan para paalisin siya ng kanyang mga magulang. Ang aking ama naman ay hindi ko na ginagisnan, pinangarap ko rin siyang makilala pero hindi ko alam kung saan siya hahanapin.”

“Ipinanganak ako sa orphanage, na kung saan tagapagluto doon si mama. Mula nang siya ay pinaalis ng kanyang mga magulang doon na siya na natili hanggang sa maipanganak ako, kaya iyon na rin ang nagsilbi namin na tahanan.”

“Basta kapag nasa bahay kana nang family Sebastian palagi ka pa rin dadalaw sa orphanage ha,” paglalambing na pahayag ni Sister Bea.

“Syempre naman po sister,” tugon naman ni Haya.

“Natigil ang aming pag-uusap nang dumating na si Mang Canor na maghahatid sa amin sa simbahan, siya ang family driver ng family Sebastian.”

“Habang nasa byahe kami ay hindi mawala ang kaba sa aking dibdib, ang pakiramdam na iyon ay hindi ko maipaliwanag.”

“Sa kabila ng aking kapansanan ay may nagmahal sa akin ng totoo at maging ang kanyang pamilya ay tinanggap ako ng buo.”

“Wala man akong pamilya sa mahalagang araw na ito ng aking buhay, ang mahalaga hindi ako iniwan ng mga taong itinuring akong pamilya.”

“Sister Bea, Sister Lucy, Mam Haya nandito na po tayo sa simbahan,” pahayag ni Mang Canor nang itigil niya ang sasakyan sa mismong harapan ng pintuan ng simbahan. Unang bumaba ng sasakyan sina Sister Lucy at Sister Bea.

“Mam Haya nakapasok na po ang mga panauhin,” boses iyon ng usherette na ini-assign sa aming kasal. Inakay niya ako sa pinto kung saan nanatili pa iyon nakasara.

“Naririnig ko ang huni ng mga ibon sa paligid ng simbahan na tila nakikisaya sa akin, at ang dampi ng hangin sa aking braso ay tila nagpapakalma sa aking nararamdaman na kaba na tila ba ayaw mawala.”

“Mam bubuksan na po namin ang pinto ng simbahan,” saad muli ng usherette.

“Tumango lamang ako sa kanya, sa pagbukas ng pinto dama ko ang mga matang nag-aabang sa aking pagpasok.”

Natatakpan ang kabuuan ng mukha ni Haya ng belo na nakaladlad sa kanyang harapan, habang siya ay naglalakad patungo sa altar at tila siya isang barbie na binihisan.

Lumabas ang hugis ng kanyang katawan sa gown na suot niya na madalas ay naitatago ng maluluwang niyang damit na madalas niyang isuot sa orphanage.

“Napakaganda ng mahal kong Haya,” saad ni Gaius habang nakatingin kay Haya.

Napalingon si Galen sa kanyang kakambal, “yes bro! hindi ka nagkamali nang pagpili sa kanya,” pagsang-ayon ni Galen sa kanya.

“Ang musika na tila ba nagpapalabas sa mga luha ko na kanina ko pa pinipigilan ay unti-unti nang kumawala sa mga mata kong puro liwanag ang nakikita.”

“Ganunpaman ay hindi iyon naging hadlang para hindi ko mabigyan ng magandang kulay ang tagpong iyon, dahil para sa akin iyon ang pinakamakulay na pangyayari sa aking buhay.”

“Bawat hakbang ko patungo sa altar ay nakaiinip na sandali sa akin, kung saan naghihintay ang lalaking tumanggap sa akin ng buong-buo.”

“Sa kalagitnaan patungo sa altar tumigil ako sandali nang maramdaman ko ang malamig na hangin na dumampi sa aking mga noo. Tila ba ang presensya ni mama Hana ang nasa tabi ko ngayon.”

“Pagdating ko sa altar, yakap ni Donya Ysabel ang unang bumungad sa akin at ang pag-akay sa akin ni Don Samuel kasunod nito ang pagyakap sa akin ni Gaius.”

“Maraming salamat mahal ko!” pahayag ni Gaius sa akin, dama ko ang sobra niyang kagalakan.

“Ilang sandali lamang ay sinimulan na ang seremonya ng aming kasal. Ang tagpong ito sa buhay ko ay hindi ko na inasahan na mangyayari sa akin, dahil sa kabila ng aking kondisyon.”

“Ngunit dahil sa pagmamahal ng aking dating kaibigan at ngayon ay aking mapapangasawa na, ang siyang bumuo sa aking pagkatao.”

“Mula nang siya ay aking makikilala ay mas natuto akong mangarap at hinangad ko na magkaroon ng pagkakataon na makita ang tunay na kulay ng mundo, na kung saan ay unti-unti niyang pinaparanas sa akin.”

“Siya ay anak nina Don Samuel at Donya Ysabel, sila ang isa sa sponsor sa orphanage na aking pinagmulan.”

Sa tuwing nagtutungo si Donya Ysabel sa orphanage ay palagi niyang kasama ang kanyang mga anak, si Gaius na aking mapapangasawa at si Galen na kanyang kakambal.

“Noong kami ay mga bata pa, madalas kaming maglaro madali kaming naging magkapalagayan ng loob dahil halos di nagkakalayo ang aming edad, sila ay ahead lamang sa akin ng dalawang taon.”

“Madalas akong asarin ni Galen na kung saan si Gaius naman ang palaging nagtatanggol sa akin. Kaya mas napalapit ako kay Gaius, pakiramdam ko siya ang aking superhero.”

“Naramdaman ko ang kamay ni Gaius, inalalayan niya ako na makapunta sa nakalaan na upuan para sa aming dalawa sa mismong harap ng altar.”

“Ang tensyon na nararamdaman ko ay unti-unting nawawala habang hawak ni Gaius ang aking mga kamay. Tila ba mas naging kumportable ako sa kanyang tabi.”

“Habang kami ay tinatanong ni father sa aming mga sumpaan sa isa’t isa ay hindi ko mapigilan ang pagtulo ng aking mga luha.”

“Hindi man nakikita ng aking mga mata ang kanyang reaksyon malinaw namang nararamdaman ng aking puso ang tunay at tapat na pagmamahal niya sa akin.”

“Samuel Gaius Alejandro Sebastian tinatanggap mo ba si Hiraya bilang kabiyak ng iyong puso sa hirap at ginhawa?

“Opo Father.”

“Hiraya del Rosario tinatanggap mo ba si Gaius bilang kabiyak ng iyong puso sa hirap at ginhawa?

“Opo Father.”

“I now pronounce you husband and wife. You may kiss the bride,” ang sumunod na pahayag ni father.

“Naramdaman ko kasabay ng pagdampi ng labi niya sa aking mga labi ang luha niya na tanda ng lubos na kagalakan.”

“Mabuhay ang bagong kasal,” pahayag muli ni father na tanda na tapos na ang seremonya ng kasal.

“Congratulation mga anak!” pahayag ni Don Samuel.

“Haya, masaya ako na ikaw ang makakasama ni Gaius habambuhay,” masuyong pahayag ni Donya Ysabel.

“Salamat po, ma mommy,” na uutal na pahayag ni Haya.

“Congrats bro! I’m really happy for you,” mula iyon sa kanyang kakambal na kaparehas din ng kanyang boses.

“Thank you, bro! sunod ka na rin ha,” tugon ni Gaius sa kanya na may tono na panunudyo sa kanyang kakambal.

“Congrats Haya! The game is over, hindi na kita aasarin because you are now my sister-in-law,” saad ni Galen kay Haya, simula nang magkakilala sila ay walang araw na hindi niya inasar si Haya.

“Thank you Galen,” pagpapasalamat ni Haya.

“Congrats sa inyong dalawa,” pahayag nila Sister Bea at Sister Lucy nang lumapit sila habang nagpi-picture taking.

“Maraming salamat po sa inyo sister,” tugon sa kanila ni Gaius.

“Ikaw na ang bahala sa aming anak,” pahayag ni Sister Lucy.

“Opo sister hindi ko po siya pa babayaan,” saad ni Gaius.

“Maraming salamat anak alam namin iyan ni Sister Lucy,” ani Sister Bea.

“Ang aming sumpaan sa harap ng altar, saksi ang mga mahal namin sa buhay at ang aming pagmamahalan ang pundasyon ng aming pagsisimula bilang mag-asawa.”

Pagkatapos na makuhanan ng mga picture ang mga bisita ay dumeretso sila sa reception kung saan sila sinundo ni Mang Canor, iyon ay sa private resort ng family Sebastian.

“Saan mo gustong magpunta, after natin sa reception?” tanong ni Gaius kay Haya habang nasa byahe sila.

“Makasama lang kita ay sapat na sa akin,” tugon ni Haya sa kanya.

“Napaka swerte ko naman sa misis ko, sige pupunta tayo sa lugar na hindi mo pa napupuntahan,” tugon ni Gaius.

“Saan? Tanong ni Haya.

Ngunit walang sagot na narinig si Haya, isang masuyong halik sa kanyang mga labi ang itinugon ni Gaius at mahigpit siyang niyakap.