CHAPTER VI: CORNEAL TRANSPLANT

“Maraming salamat Galen, sa kabila ng sitwasyon ng family ninyo sinamahan mo pa rin kami ni Haya,” pahayag ni Sister Bea.

“Hindi na po iba si Haya sa amin Sister lalo pa ngaun na bahagi na siya sa pamilya namin, saka ibinilin po siya sa akin ng kakambal ko kaya kailangan ko pong tuparin ang ipinangako ko kay Gaius,” saad ni Galen.

Inihatid ni Galen si Haya at Sister Bea sa Eye Care Vision Center para sa gagawin na operasyon. Habang nasa sa byahe sila ay nanatiling tahimik si Haya, hindi niya alintana ang pag-uusap ni Sister Bea at Galen.

Pagdating nila sa Eye Care Vision Center ay sinalubong sila ni Nurse Lyza, halos ka edad lamang siya ni Haya.

“Hello Sir Galen, mabuti po at nakarating kayo ng mas’ maaga,” masayang bungad ni Nurse Lyza.

“Nandyan na ba si Dr. Mila?” tanong ni Galen kay Nurse Lyza, si Dr. Mila ay isang ophthalmologist at kapatid ni Dr. Flores. Kung saan si Dr. Flores naman ay isang general medicine at family doctor ng family Sebastian.

“Opo Sir, bago natin simulan ang operasyon may examine lang po tayong gagawin para ma relax at masiguro po ang kondisyon ng mga mata ni Mam Hiraya,” paliwanag ni Nurse Lyza.

“Ok po Nurse,” sang-ayon naman ni Galen.

“Sister Bea pasamahan po sandali si Haya, aasikasuhin ko ang iba pang gamit na kailangan ni Haya,” saad ni Galen kay Sister Bea.

“Sige Galen maraming salamat ha,” tugon ni Sister Bea.

Samantala si Haya ay tila hangin na sumusunod lamang sa kanila, kaya naman mabilis na naisagawa ang mga examine sa kanya bago simulan ang kanyang operasyon.

Nang makabalik si Galen sa Hospital ay dala na niya ang mga gamit na kailangan ni Haya sa kanyang pananatili doon habang nagpapagaling. Maging ang mga bills ay isa-isa na rin niyang inayos. 

“Sister, kumusta po si Haya?” bungad na tanong ni Galen nang makabalik siya, kasalukuyan na nasa waiting area si Sister Bea.

“Mabilis natapos ang examine kay Haya, nasa loob na siya ng operating room,” pahayag ni Sister Bea.

“Mabuti naman po kung ganun, naiayos ko na po ang lahat ng kailangan na gagamitin ni Haya,” saad ni Galen.

“Maraming salamat Galen, nag-aalala ako kay Haya paano siya after ng operasyon?” pag-aalalang tanong ni Sister Bea.

“May nakalaan na pong recovery room para sa kanya mas makakabuti kung dito na siya magpagaling may Nurse na titingin sa kanya, si Nurse Lyza po at para mamonitor din siya araw-araw ni Dr. Flores,” paliwanag ni Galen.

“Tama ka mas makakabuti na dito na lang siya mag-stay na magpagaling dahil kung sa orphanage baka manariwa lahat ng alaala ni Gaius sa kanya at baka hindi maging maganda iyon sa kalagayan ng mga mata niya,” sang-ayon ni Sister Bea kay Galen.

“Opo sister, si Nurse Lyza ay makakatulong sa kalagayan niya alam niya kung paano e-handle ang sitwasyon ni Haya may background po siya sa ganitong sitwasyon,” saad ni Galen.

“Mabuti naman, mapapanatag ako na maiwanan siya rito. Maraming salamat talaga sa family ninyo Galen napakabuti ninyo,” naiiyak na pahayag ni Sister Bea.

“Lahat ng ito si Gaius po ang naghanda, ipinagpatuloy ko lang po Sister,” malungkot na saad ni Galen.

“Sayang lamang at hindi siya nabigyan pa ng pagkakataon na makasama natin ng matagal,” panghihinayang na pahayag n Sister Bea.

Tuluyan nang tumulo ang mga luha ni Galen na kanina pa niya pinipigilan, “sa papamigitan ni Haya mananatiling buhay ang alaala ni Gaius.”

Tumango si Sister Bea tanda ng pagsang-ayon, “Ok ka lang ba Galen? tanong ni Sister Bea na nag-aalala, “kung gusto mo pwede ka na umuwi para maasikaso mo na rin ang kakambal mo ako na ang bahala maghintay sa paglabas ni Haya sa O.R.”

“Hindi rin po ako mapapanatag Sister hanggat hindi ko nasisiguro na successful ang operasyon ni Haya,” saad ni Galen.

“Pero kailangan ka rin ng family mo ngaun?” pahayag ni Sister Bea.

“Nandun na po si Tricia para asikasuhin ang iba pang kailangan,” maikling saad ni Galen.

Halos ilang oras din ang paghihintay ni Sister Bea at Galen sa opearasyon ni Haya hindi rin nila namalayan ang oras dahil sa kanilang pag-uusap.

Natigil ang kanilang pag-uusap ng dumating si Dr. Flores, “Kumusta na si Haya?” bungad niyang tanong.

“Nasa loob pa ng O.R Doc,” pahayag ni Galen.

“Pasensya na Galen hindi na ko nakasama kanina, nagkaroon kasi ng emergency. Pero ‘wag kayong mag-alala kayang-kaya naman ni Dr. Mila ang operasyon,” dagdag pang pahayag ni Dr. Flores.

“Ok lang Dr. Flores alam naman namin na magaling na doctor ang kapatid mo, kaya sure ako na magiging successful ang operasyon,” saad ni Galen.

Ilang sandali pa nang lumabas si Dr. Mila sa operating room, marahil ay tapos na ang operasyon kay Haya.

“Kumusta si Haya? Bungad na tanong ni Dr. Flores.

“Ok na ang operasyon sa ngayon ay nakatulog siya, dahil na rin siguro sa pagod niya at sa gamot pero maya-maya ay magigising din siya. Ililipat na rin namin siya sa private room niya para doon na rin siya makapagpahinga,” pagpapatuloy na saad ni Dr. Mila.

Mula ng maospital si Gaius ay halos walang sapat na pahinga si Haya at hindi nga nagtagal ay kasunod na lumabas sa O.R ang nurse na kasama sa operasyon at tulak-tulak ang higaan ni Haya.

“Kailan natin malalaman kung tinanggap ng mata ni Haya ang donor n’ya Dr. Mila?” tanong ni Galen.

“1-2 weeks at depende rin sa reaction ng katawan ng pasyente, mas maganda kung maipapahinga ng mabuti at maalagang mabuti habang nagre-recover siya. Para maiwasan na rin ang infection,” patuloy na pahayag ni Dr. Mila.

 “So paano mauna na rin ako may pasyente pa ako, naibilin ko na kay Nurse Lyza ang mga dapat gawin at kung may iba pa kayong tanong pwede kayo magtanong kay kuya,” sabay turo kay Dr. Flores.

Pagkaalis ni Dr. Mila ay nagtungo sila sa private room ni Haya na nakalaan pa sa kanya, nadatnan nila si Nurse Lyza sa loob at kasalukuyang hindi pa nagigising si Haya.

“Kumusta na ang lagay ni Haya?” tanong ni Galen kay Nurse Lyza.

“Mabuti na po ang lagay niya baka po maya-maya ay magigising na rin s’ya,” pahayag ni Nurse Lyza.

Naituon ni Galen ang kanyang tingin kay Haya na nahihimbing pa rin na natutulog, kahit na nakabenda ang kanyang mga mata ay bakas pa rin sa kanya ang natural na ganda ng kanyang mukha.

“Dr. Flores kayo na po ang bahala kay Haya, Nurse Lyza ok lang ba na tulungan mo rin siya na maka-recover sa sitwasyon niya ngaun kailangan niya ng makakusap palagi,” bilin ni Galen sa kanila.

“Ou naman po Sir naintindihan ko ang sitwasyon ni Haya, wala ka ng dapat alalahanin,” tugon ni Lyza.

“Maraming salamat, Sister Bea hindi ko na mahintay na magising si Haya kailangan ko na po umalis, kung may kailangan po kayo tawagan n’yo lang po ako at kapag kailangan mo po umalis sila na po ang bahala kay Haya,” pagpapaalam ni Galen.

“Sige Galen maraming salamat, mag-iingat ka,” saad ni Sister Bea.

Bago umalis si Galen sa ospital ay na e-settle na niya ang lahat ng mga kailangan ni Haya maging ang mga bills at sumabay na rin sa kanyang lumabas si Dr. Flores.

Kaya naman naiwan si Nurse Lyza at Sister Bea na nag-uusap, nang matapos sabihin ni Nurse Lyza ang mga dapat gawin ni Haya para sa kanyang pagpapagaling ay nagpaalam na rin siyang umalis.

Sa paghihintay ni Sister Bea na magising si Haya ay hindi niya namalayan na makaidlip habang nakaupo sa upuan na nasa gilid ng kama ni Haya, dahil na rin sa sobrang pagod.

Nagising si Sister Bea ng gumalaw si Haya, “gising kana pala, pasensya na hindi ko namalayan nakaidlip na pala ako. Kumusta ang pakiramam mo? sandali tatawagin ko si Nurse Lyza,” tuloy-tuloy niyang pahayag.

“Anu pong nangyari Sister? nasaan po ako? bakit parang ang bigat ng ulo ko?” mga tanong ni Haya nang magising siya.