Chapter 9

“Pasensiya na, mada’am.” Napabuntong-hininga si Calixto dahil iyon na yata ang ikasampung tawag mula sa Royal Blood family.

“Is she mad?” tanong ni Rossana kay Calixto.

Naroon siya sa couch pero ipinasabi niya kay Calixto na wala siya roon.

“Mada’am, disappointed ang boses nila.”

Namasahe ni Rosanna ang ulo. Ang imbitado lamang pala sa party ay mga lalaking Royal blood. Kaya makapapasok lamang ang mga Royal blood na babae kung kapareha ito ng lalaking imbitado.

“Gusto nilang malaman kung sino ang magiging kapareha ng Young Master,” dagdag ni Calixto.

Wala itong isinagot na kapareha.

“Ezekiel and I talked about this.” Inikot ni Rosanna ang kopita ng bloodwine. “Kung lalaki lamang ang naimbitahan, it means malaki ang possibility na may Pureblood Princess ang hinahanapan nila ng kapareha. At ayokong magkaroon ng complication, rather than choosing a Royal Blood, mas gusto ko si King sa isang Pureblood Vampire princess.”

“Mistress, tama ang desisyon mo. Kung may isa kang Royal blood din na papaboran, maraming Royal blood family na hindi ‘yon magugustuhan lalo at parang nakapili ka na kaagad ng ipapareha sa Young Master. At kung sakali, mas mahihirapan kang bitiwan ang Royal Blood kung sakaling magkaroon ng interes ang isang Pureblood princess sa Young Master. At halos lahat ng kasama ay nabalitaan ko rin na mga servant ang kanilang napili.”

“Dahil nararamdaman nila na ang imbitasyon ng Pureblood ay namimili talaga sila ng fit na Royal Blood para maging asawa ng isang prinsesa. At kung hitsura ang usapin, Calixto, malakas ang dating ng aking anak kompara sa ibang Royal Blood. Kaya nga kompara sa iba, mas maraming natatanggap si King na marriage proposal.”

Tunay naman ‘yon. Alam ni Calixto kung gaano karaming pamilya ang may gusto sa Young Master nila, isama pa na kaya maraming may gusto rito ay dahil nasa upper level din in terms of power sa mga Royal Blood.

“Sinusukatan na rin ang Young Master sa kanyang dressing room. Gusto mo bang umakyat para mas mabigyang guidance mo ang gagawa ng kasuotan, Mistress?”

Tumayo si Rosanna at iniwanan ang kopita. Nagtungo siya sa dressing room ni King, katabi lamang iyon ng kuwarto nito at mayroon ding pintuan patungo sa kuwarto nito. Naabutan nila na tapos na ang pagsusukat kay King at nagpapaliwanag na si Edward, ang ipinadala para sumukat at manahi ng isusuot ni King.

“Mada’am, Bezarius,” nakangiti kaaagad si Edward. “Tapos na ‘kong magsukat para sa ‘yong unico hijo. Kung ano ang napag-usapan natin sa ibaba bago ‘ko umakyat ay iyon pa rin naman, maliban sa mas gusto ng Young Master ang kulay abo kesa kulay puti.”

“Napakahilig niyan sa gray, hindi ko alam sa batang ‘yan,” napapailing si Rosanna.

“Sukatan mo na rin si Anastacia,” nakangiting sabi ni King.

“B-bakit?” tanong ni Anastacia.

Hinila siya ng marahan ni King at dinala malapit kay Edward na napatingin sa ginang.

Isang mananahi ng mga piling Royal Blood lang si Edward, hindi ito gagawa ng kasuotan ng isang alipin at mahal ang magiging singil nito at hindi mag-aaksaya si Rosanna para lamang sa isang alipin.

“King, maid servant mo si Anastacia. Ang susuotin niya ay mula na lamang sa mga kasuotan na si Calixto na ang bahalang mamili.”

Nangunot ang noo ni King sa sinabi ng ina.

“Paano kami magkakapareho ng disenyo kung magkaiba ang gagawa?”halatang hindi ‘to kumbinsido.

“Narito na rin naman si Edward, sukatan na si—“

“King, uulitin ko, bahala na si Calixto. Isang alipin lang si Anastacia, hindi niya kailangan makisabay sa ‘yo. Alam mo kung gaano kamahal ang bayad sa gawa ni Edward. Bukod do’n, piling mga Royal Blood lamang ang ginagawan niya.” Nag-iinit ang ulo ni Rosanna pero pinipilit naman niyang kumalma kahit paano.

Kagabi lamang ay pinasakit na ng asawang si Ezekiel ang ulo dahil nagkatipo na naman ito sa isang alipin na ngayon ayon kay Calixto ay kasalukuyang may karamdaman. Kalalabas lamang din nito. Kaya sigurado si Rosanna na hindi pa umaabot sa ganoong punto si Anastacia at King dahil walang tao ang hindi nagkasakit sa pakikipagtalik sa isang bampira.

“Kung gano’n, hahanap na lang din ako sa labas ng isusuot.” Tiningnan ni King si Anastacia na nabigla. “Sa ibang boutique, may pareho para sa ‘tin.”

Nabigla naman si Edward.

“Young Master, ang kasuotan na hindi gawa ng isang katulad ko ay makasisira lamang sa ‘yo. Napakahalaga ng pupuntahan mo. Haharap ka sa isa sa mga Pureblood Vampire Princess, alam mo na ang una nilang titingnan ay ang iyong presentasyon.” Mahinahon ngunit may diin ang pagsasalita ni Edward.

“Tama, King. At sa tingin ko naman, alam ni Anastacia na hindi gugustuhin ni Anastacia na magsuot ng mamahaling kasuotan dahil napakalaking halaga ng bawat isang bato.”

Nakikita na ni Anastacia ang iritasyon ni King.

Kailangan niya ‘to kaagad kalmahin.

“Young Master, ‘wag kang mag-alala, narinig ko naman ang mga detalye. Pangako hahanap ako ng maaaring pumares sa kasuotan mo. Huwag ka na lamang magalit, tama rin ang Mistress na hindi ko gustong magsuot ng mamahaling kasuotan dahil baka hindi ko alam kung paano bayaran sakaling mawala kahit isa man lamang sa bato ng kasuotang ‘yon.”

Hindi na kumibo si King at hinila na si Anastacia sa pintuan na padaan sa silid nito. Maayos na rin ang pintuan sa kabila na nasira dahil sa galit nito. Basta pagkukumpuni, madali lamang ‘yon sa mga butlers.

“Kung hindi ka nagsalita paniguradong nagwala na naman ako. Pagdating sa ‘yo mabilis akong pag-initan ng ulo sa iba.”

Halata na kaagad ni Anastacia ang iritasyon nito.

Naroon ‘to sa gilid ng bukas na bintana at kuyom na kuyom ang palad.

Marahang nilapitan ‘to ni Anastacia.

“Kapag may sarili na ‘kong pera at yaman ibibili kita nang pinakamagandang kasuotan. Ihahanap kita ng sarili mong sastre. Hindi ko maipagmalaki sa ‘yo ang mayroon ako ngayon dahil lahat ‘yon ay sa magulang ko pa galing.”

Nangiti si Anastacia at marahan na tumabi kay King.

“Hindi ko gustong minamaliit ka, lalo na iyong tinatawag kang alipin. Nahihirapan akong magtimpi. Kung mauulit ‘to nang mauulit, baka lumabas na ang kademonyohan ko ng tuluyan.” Nagtatagis ang bagang na anito.

“Young Master, ang mga mata mo—“

Nabigla naman si King, hindi niya napansin na sa galit niya’y nagliliwanag ang ruby niyang mga mata.

“Young Master,” hinawakan ni Anastacia si King. Nabigla siya dahil mainit ang katawan nito. Nang muli siyang tumingala para tingnan ‘to doon nanlaki unti-unti ang mata ni Anastacia, lumalabas ang pangil nito.

“Lumabas ka na, baka nasa heat na ‘ko.” Marahan siyang itinulak ni King sa braso habang pilit nitong  tinatakpan ang mata.

“Heat?” hindi maintindihan ni Anastacia, nag-aalala siya.

“Anastacia, baka kung anong magawa ko sa ‘yo. Lumabas ka na muna.”

“Pero Young Mas—“

“Lumabas ka na!” malakas na sigaw ni King.

Nagimbal si Anastacia. Maging si King ay nabigla sa naging tono.

“Hindi ko sinasadya,” hinawakan ni King sa braso si Anastacia.

“Young Master?” lalong nag-alala si Anastacia.

Napalunok si King nang makita ang maputing leeg ni Anastacia. Nanuyo ang kanyang lalamunan. Gusto niya ng dugo… dugo…

Hinawakan niya ‘to sa ulo at inilapit sa kanya. Nalalanghap niya ang sariwang dugo nito. Nag-iinit din ang buo niyang katawan. Gusto niyang itulak si Anastacia, ibabawan at kagatin sa iba’t ibang bahagi ‘to. Gusto niyang paulit-ulit inumin ang dugo nito.

Pero hindi puwede, bakit niya sasaktan si Anastacia?

“Young Master! Uhmmm!” Napaungol si Anastacia nang sugurin siya ni King at dilaan nito ang kanyang leeg. Nag-iwan ‘to ng maliliit at basang halik sa leeg niya. Natatakam pero pilit idinadaan sa pag-amoy lang at pagdampi ng halik.

Humapit din ang braso nito sa kanyang katawan. Imposibleng sa lakas nito ay makawala siya.

“Anastacia, I want your blood. Can I suck you?”

Nag-iiba ang boses nito, parang hinihingal. Tila rin nilalagnat ang buo nitong katawan.

Nabigla si Anastacia nang bigla siya nitong buhatin at wala pang tatlong segundo naibagsak siya nito sa kama.

“Young Master,” bahagyang kinabahan si Anastacia.

Iyong paglunok ni King, maging ang paghingal nito ay hindi pangkaraniwan. Isama pa ang pagpupula ng mga mata nito.

Panahon na ba ng pangangailangan nito ng dugo?

Nabigla si Anastacia nang sumara ng malakas ang bintana. Maging ang ilaw ay nagkaroon ng pagkakapatay-sindi. Hindi lang iyon, maging ang ilang babasaging kagamitan ay nagbagsakan dahil sa tila paglindol sa silid.

Paluhod ‘tong lumapit sa kanya sa kama.

Hindi na nakatutol si Anastacia nang halikan siya nito.

Nahihilo si Anastacia sa tila lumilindol na pakiramdam. Mas nawala pa siya sa sarili dahil sa paghalik nito na mapusok, lalo na ang dila nito. Napapaungol si Anastacia sa tindi nang pakiramdam na ipinadarama nito bigla sa kanya.

Nagitla si Anastacia nang marinig ang kasuotang napunit sa paghila nito.

Hinihingal na rin siya, ang halik nito, halik pa lang ‘yon pero parang nahawa na siya sa init ng katawan nito. Bakit pakiramdam niya’y lalagnatin siya?

**

“Calixto!” Naalarma si Rosanna.

“Yes, Mistress!” Nagmamadali rin si Calixto.

Ipinahatid na ni Calixto sa isang butler na nasa labas ng pintuan si Edward.

Namasahe naman ni Rosanna ang ulo. Iyong pakiramdam na naramdaman niya, kay King ba ‘yon?

“Nasaan si King?” tanong ni Ezekiel na kadarating lang.

“Kasama niya si Anastacia sa silid,” ani Rosanna, nagpipilit kumalma.

Pareho nilang nasamyo sa hangin ang pheromones na estranghero sa kanilang paningin. Ibig sabihin, nasa heat na si King sa kauna-unahang pagkakataon bilang bampira.

“Kailangan mapalabas mo kaagad si Anastacia,” naroon ang pangamba sa boses ni Ezekiel.

“Hinahanap na ni Calixto ang gamot. Mahirap na, baka bigla niyang mapatay ang babaeng ‘yon. Ang lalaking bampira nga na wala sa heat halos ikinamamatay ng tao kung nakikipagtalik. Ano pa si King na nasa mismong heat! Mawawala siya sa sarili, hindi pa niya ‘yan kontrol!” Naaalarma si Rosanna, paniguradong hindi matatanggap ni King sakaling mapatay nito ang Maid-Servant nito.