Chapter 19

Lumaki akong walang memorya ng pagkabata ko. Lahat ng memorya ko ay nagsimula noong 8 years old ako. Lumaki akong alam ko na ang nagpapalaki sa akin ay "step-father" ko. Wala akong ni isang alaala ng nanay ko. All I remember was I'm already old enough to be in school.

Dati ko ng sinubukan na alamin ang nakaraan ko mula sa naging tatay ko pero bigo akong makakuha ng ano mang kuwento tungkol sa pagkabata ko at kung anong nangyari sa nanay ko.

Matagal akong nangulila sa pangangalaga ng isang nanay. Lumaki akong mulat na sa realidad ng mundo. Pero hinahanap-hanap ko pa rin ang pagkakaroon ng isang nanay.

Kahit ang pangalan ng nanay ko sa birth certificate ay para bang naglaho at hindi kailanman nag-exist. Sumuko na ako na hanapin pa ang tunay ko na mga magulang.

Kaya ngayon hindi ko alam kung bakit ganito ang nangyayari sa akin nang makita ko ang mama ni Selene. Para bang tinamaan ako ng bomba. Hindi makagalaw. Hindi ko alam kung saan nanggagaling an