Chapter 10

Nag-echo ang sinabi ni doktora sa utak ko.

Twins.

"Twins po?"

Grabe ang ginawang paglukso ng tibok ng puso ko sa narinig. Mas lalo nadagdagan ang kabang nararamdaman ko.

Kambal? Hindi lang isa kundi dalawang bata ang nasa tiyan ko?

"Yes, misis. Twins."

Nag-isip ako ng malalim, walang kambal sa pamilya namin at sa alam ko kina Primo wala rin naman silang kamag-anak na kambal.

Hindi ba mas mahirap ang magbuntis sa kambal? Lalo na at first time ko 'to. Ang sabi nila mas mahirap daw magbuntis kapag kambal at mas masakit daw iyon. Napalunok nalang ako sa naisip.

"If you look here, you can see one sac and here another one sac, you see. Both are doing great and growing well. You have two little cute babies, Mrs. Montealegre." Namangha ako sa nakita sa screen kahit na kinakabahan at di mawari ang nararamdaman.

Tumingin ako kay Primo. Nagulat pa ako nang makitang mas seryoso na ang itsura nito ngayon at paran